Bertsos - Voir fiche Pour savoir plus sur cette section
Lagun baten berexkuntza [Bertsoa] / Martin Guilbeau
Lagun baten berexkuntza [Bertsoa] / Martin Guilbeau
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Dolu minez gohazi orai kantatzera,
Gure nahi gabeen emen emaitera,
Lagun baten galtzeak (ber.) gaitu tristarazi,
Sekulako bihotza zaurthurikan utzi.
II
Adio, gure lagun hainitz maitatua!
Ez hintzen sor herriko biziz dohatua,
Urania iganez (ber.) bahoa desterrurat
Ethorkizunarentzat aisia biltzerat.
III
Bihotza altxagarri maiz nahi gabetan
Penak dituk izanen desterru heietan,
Bainan gogoz emen dik (ber.) haigu segituren
Hire amodioaz gaituk orhoituren.
IV
Orhoit hadi noiz behin hire herritarrez,
Hire haurtasuneko amore samurrez,
Orok hiretzat ditek (ber.) galdetzen grazia
Aiten herri maitean uzteko bizia.
V
Adio, jaio herri benedikatua!
Nihoiz munduan ezin aski maitatua,
Adio, adixkide (ber.) ene amoreak,
Haurtasuneko lagun, herriko loriak.
VI
Adio, uhaitz, bazter parerik gabeak,
Eskal herriko mendi, oihartzun maiteak,
Adio, Laphurdiko (ber.) lansaia ederrak!
Zuen edertasunaz munduan bakharrak.
VII
Biziko lagun leial osasun maitea,
Nahi gabe guzien kontsolatzailea,
Lagun zak, othoi, lagun (ber.)ene ama ona,
Nigarretan hurtua ni gatik dagona.
VIII
Azken pertsu hunetan, lagun maiteak,
Zuentzat beitez izan ene hasperenak!
Zuen orhoitzapenak (ber.) ene bihotzean,
Iraunen du, iraunen ethorkizunean.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/