Bertsos - Voir fiche Pour savoir plus sur cette section
Mendiak bethe hedoiez [Bertsoa] / Jean Gorostarsou "Haroztegi"
Mendiak bethe hedoiez [Bertsoa] / Jean Gorostarsou "Haroztegi"
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
[Bertsoen hasieran idatzitakoa: Désespoir déposé aux pieds de Nôtre dame de l'Aubepine]
I
Mendiak bethe hedoiez,
Oihan errekak daude beltz,
Begiak altxatzen ditut, zeruetan izar bat ez...
Nihon ez duket gozorik, ilhun bainago bihotzez.
II
Enetzat ez da egunik,
Nihoiz ere iguzkirik,
Ez hila eta halere hobian nago bizirik,
Ez enetzat gehiago zeruak ez du argirik!
III
Habil, habilkit bizia,
Urrunt hadi, gezurtia,
Atseginak agindu-ta, minez bethea nauk guzia,
Habil, utzak, utz gorphutz hau orotarik biluzia.
IV
Lore guziak arrantze,
Uki guziak oinhaze,
Ni naiz ama ganik sorthu jasaiteko hunenbertze
Ez da enetzat izanen ez ganbio, ez eztitze?
V
Xophorro mendi gainean,
Iguzki eder denean,
Kapera bat ageri da bi harri beltzen artean,
Elhurra etzen hain xuri gan den negu bihotzean.
VI
Boz bat ethorri zait handik,
Gabaz lo nindagolarik,
Entzun ez dut behinere hain kantu xarmagarririk,
Ene bihotza pilpiraz gelditu da zoraturik.
VII
Nor da niri mintzo dena,
Eztiki deitzen nauena?
Ni naiz minen gozatzaile,Arrantze-gaineko-Ama,
Oi haur inkoniatua, lasterregizu ni gana.
VIII
Zeru goratik lurrera,
Arrantze baten gainera,
Gure Ama guziz-ona, bihotz ezti, bihotz bera,
Zu zare jautsi zarena gizonen kontsolatzera.
IX
Hemen naiz zure oinetan,
Dena nigar uharretan,
Ama ona, har nezazu othoi urrikalmendutan,
Gaixtaginen asperrari gorde zure besoetan.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/