Bertsos - Voir fiche Pour savoir plus sur cette section
Oderik edo Aita-sainduaren soldadoa [Bertsoa] / Frantzisko Laphitz
Oderik edo Aita-sainduaren soldadoa [Bertsoa] / Frantzisko Laphitz
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
Makhilari: Nafarro-behererat ez jiteko zer duk?
Makhilak: Hauts nezazuen beldur nuk!
I
Aitorren semen artian
Oderik ederrena;
Nihun lanjerrik denian
Oderik han lehena,
Aiten ezpata gerrian
Baten beldur ez dena.
II
Adios, ene maitia
Zonbait egunendako,
Erruman aita saindia
Laguntza galdez dago.
Aita bat grinan uztia
Zorigaitz haurrendako.
III
Sei mila gizonek entzun
Justiziaren botza;
Aberats, gazte, bihotzdun
Armada loriosa.
Justizia bera lagun
Ez dute zeren lotsa.
IV
Gaxtuek elgar harturik
Errumari jazarri,
Ihes ditu bentzuturik
Oderikek ezarri.
Ez daude behin jarririk
Erruman aitzindari.
V
Nonbaitik uste gabian
Armada bat agertzen
Errhautsak haren bidian
Iguzkia goibeltzen
Oderik da furian
Traidoria oldartzen.
VI
Nigarrez oihartzunari
Loretako ezkilak:
“Erori dira, erori,
Israelgo borthitzak,
Odol ibaian igeri
Horra nun dauden hilak”.
VII
Bizia duk hirriskatu
Oderik alferretan;
Etsaiak dituk zilhatu
Ezpataz hamarretan,
Nahiz lagunekin sarthu
Lorios zeruetan.
VIII
Norbaiti bizirik jinez
Duk ekhartzen bizia.
Hantxe dagok hire minez
Nigarretan hurtia.
Arranguran gau egunez
Hitaz hire maitia.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/