Bertsos - Voir fiche Pour savoir plus sur cette section
Bioleta [Bertsoa] / Jean Baptiste Larralde "Dr. Larralde"
Bioleta [Bertsoa] / Jean Baptiste Larralde "Dr. Larralde"
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Alferretan haiz sortzen, oi lore maitea,
Baratze bazterretan humilki gordea,
Bafada goxoenak hau bethi salhatzen,
Hire egoitza bakhotxak aiseki khausitzen.
II
Orai errak zertako haizen hoin herabe,
Eder duk modestia, bainan gaindi gabe,
Berthutean orobat, bertzetan bezala,
Jakizak, ez badakik negurri badela.
III
Bertze lore guziak, sorthu bezain sarri,
Arrai dantzan bizi tuk, zefir soinulari,
Hi aldiz belharpean, burua behera,
Alhargun bat iduri lurrari begira.
IV
Bainan diok Jainkoak hauela landatu,
Ez dukala lekhua heronek hautatu,
Hori baizik ez bada, hoi bada guzia,
Adi nezak zer gerthuz hagon ehortzia.
V
Jaunak, hire hazia hola estaltzea,
Ber ?ustez bertze zenbait zaukaian eskuan,
Ezer dukan soin hori eztuk ilhubeko,
Hain guti hire hatsa lurrak iresteko.
VI
Ez dik naturalezak bere mila obretan
Nihon deusik agertzen egina alferretan,
Bada hainitz munduan gordea egoteko,
Hire dohain guziak, errak, zertarako?
VII
Horra beraz argitan zeruko xedea,
Egun etzaik zilhegi duda egitea.
Orai behar duk jakin, entzun nezak ongi,
Hire gana zertara ni nauten igorri.
VIII
Hire lagunek haute beren gana deitzen,
Jelosia bera ere heier duk juntatzen.
Altxa beraz lurretik, ez ukha ethorkia,
Arrosaren aldek duk hire tokia.
- Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997. http://hedatuz.euskomedia.org/4008/