Bertsos - Voir fiche Pour savoir plus sur cette section
2018-12-15 Bilbo Txapelketa [Bertsoa] / Jone Uria Albizuri
| Bertsoa entzun |
2018-12-15 Bilbo Txapelketa [Bertsoa] / Jone Uria Albizuri
Nom de la strophe:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localisation:
XDZ - Xenpelar Dokumentazio Zentroa
Ez da gure irudia
jada Federico Lorca
homosexual batek nola
jarri odola borborka?
Herri batu baten nola
izan norbait poliglota?
Hizkuntza txiki guztiak
soilik dira anekdota.
Feministekin jarraitu
beharko dugu mokoka
eta inmigrante denak
behar dira kanpora bota
gure España batua
jada arriskuan dago ta.
Eta jendea bibaka
eta jendea txaloka.
Denek "Abascal ze ona!"
Denek "Abascal ze guaya!"
Nik ere izan nahi nuke
tipoak daukan soslaia.
Paparra beti puztuta
eta hain tipo garaia
argi da iritsi zaio
gaur triunfatzeko garaia
argi daukagulako guk
zein dugun gure etsaia
ai, baina ni ikusita
mitin hontako paisaia
nire izkina honetan
ez nago horren lasaia
guk denok dugu barnean
jakina botere nahi.!
Ikusten ditut bibaka
txaloka, "Abascal guapo!"
ta egin gurako nuke
azkar atrilera salto.
Burua jeitsita ezin dut
egin hemendik eskapo
umiltasuna ez zuten
eta sortu niretzako
ai, baina nire antsiak
aguantatu beharko
utzi behar nire indarrak
igual beste baterako.
Ondo pentsatu ezkero
hori ere ez dago txarto
izena eman behar dut
nik presidentetzarako.