Bertsos - Voir fiche Pour savoir plus sur cette section
Gizon gazte ezkondu nahia [Bertsoa] / Joanes Etxeto "Senpereko Errient"
Gizon gazte ezkondu nahia [Bertsoa] / Joanes Etxeto "Senpereko Errient"
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Bertsu emaile batek duela bi urthe,
Ongi aiphatu gaitu zenbait gizon gazte,
Bainan ez du laudatu hainitz andre gazte,
Ezkontzatik urrundu nahi ginituzke.
II
Donado egoterat gaitu gomendatzen,
Lehenik etsenplua berak du ematen,
Jaunaren ordenari du ihardokitzen,
Ikhasi behar luke zuhurki pentsatzen.
III
Hemen erranen diot ezkontza sainduaz,
Mundua publatzeko jaunak moldatuaz:
Bi espos onhetsiak badire zeruaz,
Edifikatzen dute beren etsenpluaz.
IV
Beraz gazte lagunak ez gaiten lotsatu,
Guziek espos bana behar dugu hartu.
Tobiasen semea dugun imitatu,
Raphael aingeruak lagunduren gaitu.
V
Onheski mintza gaiten gure khidekoez,
Ongi erran dezagun gure haurrideez,
Ez dezagun arnega gazte amultsuez,
Detzagun edifika gure etsenpluez.
VI
Kondizione hori da moien bakharra,
Lagun prestu batekin hel gaitzakeiena.
Holakoetan datza batasun leiala,
Jainko soberanoak hel araz gaitzala.
VII
Bertso hauk eman ditut bai xede onetan,
Primaren emailea ber laudatzekotan,
Othoizten ditut beraz gazteak berritan,
Oro kanta detzaten haren ohoretan.
VIII
Ongi egile hori, primaren autora,
Eskual-Herri guzian ongi aiphatzen da,
Bertsutako gostua horrek da emana,
Zeruetako aitak sarizta dezala.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 225 or.
http://hedatuz.euskomedia.org/4008/