Bertsos - Voir fiche Pour savoir plus sur cette section
Artzain zuhurra [Bertsoa] / Jaureguiberri
Artzain zuhurra [Bertsoa] / Jaureguiberri
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Adin gaztetik artzain naiz,
Mendi gora batean,
Hantxe bozik kausitzen naiz,
Ni bakhartasunean.
Nere arthaldearekin,
Bizi naiz han bakean,
Bai-ta artzain lagunekin
Batasun ederrean.
II
Han nere atherbea dut,
Harrizko etxola bat,
Nik hura baliatzen dut
Urhezko bezain bat.
Han nere hazkurria dut,
Aldian thalotto bat,
Maiz hari emendatzen dut
Ardi gasua pixka bat.
III
Edaritzat kausitzen da
Ithur-hatxa aldean,
Edaririk hoberena,
Nere ustez munduan.
Basua bethez edan eta
Uzten nau bai zentzuan.
Bertze asko likur on da,
Bainan beira gaindian!
IV
Bizi naiz horrekin,
Ez dut gastu handirik,
Zenbait aldiz lagunekin
Besta egina gatik.
Orduantxe elgarrekin
Gauza goxoak janik,
Jartzen gure aski arin,
Moltsakoak utzirik.
V
Arthaldeak alhatzean
Larrerik gorenean
Ikhusten tut beherean
Elizak lur sainduan.
Jaun ona dut adoratzen
Hetarik bakhotxean,
Horrela dut hatzemaiten
Gozoa bihotzean.
VI
Igandetan jausten nuzu,
Ardiak alhaturik,
Elizarat gaten nuzu,
Bai bederen zortzitik,
Hantxe Meza entzun eta
Gibelat jin behar nik,
Arthaldea ez da ontsa
Artzaina gabetarik.
VII
Egun hetan bezperetan
Hiltzen da jendea,
Nik ere heiekin baltsan
Maite dut izatea.
Bainan nola mendietan
Irrixka arthaldea!
Hobe dut othoiztto hetan
Bihotzez juntatzea.
VIII
Artzain gazte zuhur gisa
Ez dirot hainitz erran:
Gauza seriosak dira
Holako kasuetan.
Nik dakidana hauxe da
Nola bizi hala gan,
Zeruak lagun gaitzala
Gure eseiuetan.
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 274 or. http://hedatuz.euskomedia.org/4008/