Bertsos - Voir fiche Pour savoir plus sur cette section
Patxiku Pilart eta Juan Jose Palart [Bertsoa] / Pepe Artola
Patxiku Pilart eta Juan Jose Palart [Bertsoa] / Pepe Artola
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
Patxikuk: Zer ordu ote ziran
orain jo dutenak?
Juan Josek: Zortzienbat kontatu
dizkiat nik denak.
Patxiku: Zortziyak eta isten
onen goiz tabernak!
geiago eran gabe
ni kontentu eznak.
Patxiku: Las once y sereno
ari dek kantatzen.
Juan Jose: Ez dizkik orain diran
ordubak kontatzen.
Patxiku: Ire moduban diat
nik ere pensatzen,
apropos ariko dek
jendia tentatzen.
Juan Jose: Tenta dezala, tenta
nai badu amona,
ero bere buruba
betia dagona.
Patxiku: Badakik gaur zegoala
oso ordo ona.
Juan Jose: Bai ardoa bainan ez
salsaile zegoana.
Goiz bultzaka atera
giotzik barrendik.
Patxiku: Ala dek pizkatxo bat
eran nai nikek nik.
Juan Jose: Bi pitxer dizkiagu,
eranak oraindik.
Patxiku: Ez mutil bi erorrek
gaur eran dituk ik.
Mutil ez nazakala,
orrenbeste bultza!
Juan Jose: Zertako tiratzen nak
ik neri onuntza?
Patxiku: Zuzenago ezin dek
eraman korputza?
Juan Jose: I abil okertuta,
tonto astaputza.
Patxiku: Pausorik ezin diat
nik irekin eman.
Juan Jose: Zertan abil tiraka
i orlako teman?
Patxiku: Ala dek... inork preso,
ez gaitzan eraman,
obe diagu sartu
berriro tabernan.
Aurrera mutilak!
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 344 or. http://hedatuz.euskomedia.org/4008/