Bertsos - Voir fiche Pour savoir plus sur cette section
Amerikatik [Bertsoa] / Klaudio Otaegi
Amerikatik [Bertsoa] / Klaudio Otaegi
Dokumentu-mota:
Liburua
Argitalpenaren izenburua:
[Liburua]
Localisation:
XDZ - Xenpelar Dokumentazio Zentroa
I
Nere etxe txuri maite maitea
Zuaitz tartean zaudena,
Ingurumari guziko lurrak
Mendean daukazkitzuna,
Biotz txokoan daukazkit beti,
Nere sortetxe kutuna!
II
Gogoan ditut zure sukalde.
Larats, gela ta ganbarak,
Tegi, abere, zakur txitoak,
Eta lanerako tresnak,
Pilotan nere aurtasunean
Aritzen nintzan paretak.
III
Etzait aztutzen ezkon-berrien
Leioko gurutz xuria,
Sukal ondoan arkitutzen dan
Gelako nere kabia,
An utzi nuan errosario
Lurdestikan ekarria.
IV
Gogoan dauzkit auzoetako
Aitonak nola ziraden
Ipui kontari atal-aurreko
Aritz azpian bildutzen;
Nola oi ziran neska mutilak
Soinua jo ta dantzatzen.
V
Etzait antziko etxaburuko
Zumardi eta larrainak,
Non igandero zuten bilera
Etxekoandre zuzenak,
Pozez begira nola jostatzen
Ziran biotzeko aurrak.
VI
Eta gero an soro ertzeko
Udare, sagar, maastiak,
Pikuak eta kereiz anpoilak
Txingarra bezin gorriak,
Usai oneko bedarrak eta
Pinpilinpausa txuriak.
VII
Zenbat zorigaitz nere etxe txuri
Polita utzi ezkero!
Nork lezakean egin egaaka,
Itsas zabala igaro,
Eta antzinako kabi txuloan
Egin lo berri berriro!
VIII
Fedea epel, Esperantzik ez,
Iskinka Karidadea,
Bene benetan diot esaten,
Nere amatxo maitea,
Orko taloa emengo ogia
Baina dala askoz obea.
Eskarmenturik ez duten aek
Sinistu nai ez ordea...!
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 360-361 or. http://hedatuz.euskomedia.org/4008/