Bertsos - Voir fiche Pour savoir plus sur cette section
2020-01-18 Aramaio Lagun-artekoa Zabola [Bertsoa] / Ane Labaka Mayoz, Iñaki Viñaspre
| Bertsoa entzun |
2020-01-18 Aramaio Lagun-artekoa Zabola [Bertsoa] / Ane Labaka Mayoz, Iñaki Viñaspre
Nom de la strophe:
Kopla handia
Localisation:
XDZ - Xenpelar Dokumentazio Zentroa
A. Labaka
Hontan zenbat oroitzapen
esanda halako baten
batzutan hala iruditu arren
ez zait burua joaten. (bis)
I. Viñaspre
Zure ideiekin lepo
gero aldatzen duzu seko
ez dakit doinu hau hobea den
regetoia dantzatzeko. (bis)
A. Labaka
Belarrientzat ukendu
ezin meriturik kendu
ba zuk basea eginez gero
regetoia ematen du. (bis)
I. Viñaspre
Retoa retoaren truk
ta hemen badaude batzuk.
Zuek dantzatzen hasi ezkero
nik basea egingo dut. (bis)
A. Labaka
Poz-pozik daude gainera
erantzun dute galdera
baina dantzatzen hasi ezkero
igo mahaiaren gainera. (bis)
I. Viñaspre
Ez, ez, hori da kaltean
ta pentsatu beharrean
hobe izaten da burua airean
baina bi oinak lurrean. (bis)
A. Labaka
Ez da kuadrilla ergela
iruditzen zait itzela
ta onena da entzundakoan
zalantza egin dutela. (bis)
I. Viñaspre
Ba orduan gauza ziurra
eskua altxatuz laburra
zeinek nahiago du mahai gainean
ta zeinek nahiago lurra? (bis)
A. Labaka
Airean daude hormonak
apurtu behar kanonak
juxtu oraintxe eskua altxa du
mahai punta hortako gizonak. (bis)
I. Viñaspre
Baina gaur horren aurrean
nago pixkat beldurrean
nire ustez dantza in nahi du mahaian
eta ostean lurrean. (bis)
A. Labaka
Lurrean hainbeste putzu
ta dena zuretzat muxu
barran atzean dauden lau horiek
dantzan jartzen badituzu. (bis)
I. Viñaspre
Has zaitezte ez dut duda
gainditu dezagun muga
ta elkarteak hartu dezala
Bar Coyoteren itxura. (bis)
A. Labaka
Ze laukote konpletoa
perspektiba perfektoa
kuadro klasiko bat ematen du
dula mende batekoa.(bis)
I. Viñaspre
Kuadroa nahikoa ezagun
ta asmatzera demagun
ea dakizun orain bakoitzak
edateko gaur hor zer dun? (bis)
A. Labaka
Edan dute itsasoa
ta hasi da erasoa
baina hemendik hutsa ikusten da
behintzat Jonpiren basoa. (bis)
I. Viñaspre
Jonpi ez zaizu ondo irten
beti horren astakirten
eskatzera joan baina ondokoek
ez diote kasu egiten. (bis)
A. Labaka
Horiek dira lagunak
Jonpi zuretzat txukunak
seguru ura edan duela
kuadrozko alkandora dunak. (bis)
I. Viñaspre
Nik tragotxo bat nahi nuke
Peru errazago, nik uste
edozer gauza egiten baitu
propinatxo baten truke. (bis)
A. Labaka
Propina nahi du guztira
Peru ta Txemaren jira
gaur edaria ez da bukatu
basoak bukatu dira. (bis)
I. Viñaspre
Baina ez dugu kaltera
entzun honen bukaera
basoak berez amaitu, baina
ordun botilak atera. (bis)
A. Labaka
Aurrea eta atzea
komeni da dantzatzea
ordua da ta zer iruditzen
agur batzuk botatzea. (bis)