BDB Bertsolaritzaren datu-basea

Information genérale

Kategoria

Bat-batekoa

Représentación

2023-10-07 Odieta Berezia

Bertsolaris / Auteurs

Ibarzabal, Nerea

Soto, Julio

Exercice

Binaka gaia-emanda

Sujet proposé

Baselizako horma batean 1905eko egunkari errepublikarrak daude. Urte horretan baseliza handitzeko lanak egin ziren. Bertan lanean ari ziren bi langile errepublikarrek gorde omen zituzten habe batean. Duela gutxi baseliza konpontzen ari zirela topatu zituzten eta ohar bat zuen: “Baseliza hau bi langile errepublikarrek konpondua da”. 1905. urtean zuek San Urbanoko berritze lanetan ari zareten errepublikako bi langileak zarete. Hortxe ari zarete lanean eta hizketan.

Description

Air

Kintak jarrita ondorenian

Nom de la strophe

Zortziko handia (hg) / Lau puntuko handia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

2023-10-07 Odieta Berezia [Bertsoa] / Nerea Ibarzabal, Julio Soto

Nom de la strophe:  Zortziko handia (hg) / Lau puntuko handia (ip) 
Localisation:  XDZ - Xenpelar Dokumentazio Zentroa 

---

J. Soto
Erortzen uzten diren ermitak
herritik dira bakartzen
hargatik gabiltz galtza mahoiaz
gure gerriak behartzen
paretak karez zipriztintzen ta
teilatuan teilak jartzen
oraindik pixka’t falta da baina
ari da itxura hartzen.

N. Ibarzabal
Eliza zaharrek heuren zimentu
guztiak ahul dituzte
ta horretarako hona ekarri
gintuzten hala dut uste
ez dakit zeinen etorkizuna
datorren… Ze buruhauste!
Guk nahi genukeen modu horretan
oroituko al gaituzte?

J. Soto
Hemen gabiltza argamasa ta
karearen igurtzitan
lana eginez askotan eta
deskantsu hartzen gutxitan
teilatutikan gora begira
nik pentsatzen dut utikan!
Jainkoagan baino fede gehiago
daukat nik Errepublikan.

N. Ibarzabal
Betirakoa izango al da
gaurko egunen distira?
Zuk badakizu historia maiz
doa krisitik krisira
ta honen kontrako marmarrak ere
urrundik entzuten dira
gu teilatura igota eta
apaiza behetik begira.

J. Soto
Baina apaizak eskatzen baitu
hamaika miserikordi
baino Euskal Herri eta Espaini
nola diren bi histori
hogeigarrengo zikloari’re
lehen bost urteak erori
hemendik goitik susma dezaket
zerbait ez doala ongi.

N. Ibarzabal
Ze etorriko da pasatakoan
hogei-hogeita hamar urte?
Zer botako da gure aurpegira?
Zer eskertuko digute?
Gaurko egunkari txataltxo hauxe
hemen gordetzean truke
gure egun bat nolakoa zen
ulertuko ote dute?