Bertsos - Voir fiche Pour savoir plus sur cette section
2024-11-24 Zarautz Txapelketa [Bertsoa] / Amaia Iturriotz Etxaniz, Unai Mendizabal
| Bertsoa entzun |
2024-11-24 Zarautz Txapelketa [Bertsoa] / Amaia Iturriotz Etxaniz, Unai Mendizabal
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
U. Mendizabal
Euskaraldiak zer balio dun
gaur nijoa esatera
euskara eraman beharra dago
maite ez dunan atera
nik bira ere eraman nahi det
eraman gisan batera
futbolarekin ein berri degu
ta ez da gaizki atera.
A. Iturriotz
Futbolarekin ein berri degu
bai behin bakarrik oraindik
zuk egindako proposamenak
erruki pixkat eman dit
ez du balio orain botata
zure hainbeste hitz handik
Euskal Herrian ez dakar honek
erroko aldaketarik.
U. Mendizabal
Errora aurretik jarri gaitezen
kanpokoari begira
erakarri nahi baldin badira
jarri behar zaio diztira
ez dira joaten bertso-saiota’
ez doaz euskaltegira
eta eraman ein behar zaie
haiek joaten ez badira.
A. Iturriotz
Euskaraldian ordea jarri
diozu zuk honi bista
urtean zehar erdaldunari
ez zaio ematen pista
iruditzen zait zuk diozun hau
propaganda populista
izena hala eduki arren
ez da euskal telebista.
U. Mendizabal
Euskaltik gutxi samar badauka
zu ta ni gera testigu
nahiz ta kateak luzatu diren
bat, bi, lau ta gero hiru
gauzak ez daude guk nahi bezala
hori ondo badakigu
zu ta ni gaude honen barruan
eta geuri dagokigu.
A. Iturriotz
Arrazoi duzu zeren zu ta ni
berez ez gera bi mundu
gu biok gara euskaltzaleak
ta hortaz izan seguru
zuk ETB2-n euskara nahi ta
horixe duzu helburu
zure bandora pasatuko naiz
gero segiko badugu.