Bertsos - Voir fiche Pour savoir plus sur cette section
2024-09-21 Lazkao Txapelketa [Bertsoa] / Iban Urdangarin, Julen Zulaika
| Bertsoa entzun |
2024-09-21 Lazkao Txapelketa [Bertsoa] / Iban Urdangarin, Julen Zulaika
Nom de la strophe:
Lauko handia (hg) / Bi puntuko handia (ip)
Localisation:
XDZ - Xenpelar Dokumentazio Zentroa
J. Zulaika
Erantzunekin ezin asmatu
eta hasi naiz lotsatzen
ea ba hasten diren galdetuz
dakidanak erantzuten. (bis)
I. Urdangarin
Mihiluzera etorri gera
ta ez degu eman maila
sofatik zeinen errexa zan hau
ta bertatik zeinen zaila. (bis)
J. Zulaika
Sofatik altxa beharko degu
hau ez baitzaigu bukatzen
Kike aurkezle zegon garaian
hobeto ibiltzen nintzen. (bis)
I. Urdangarin
Galdera egin eta Julenek
ondotik hitza dit kendu
Ataun nun dagon galdetu dute
eta Araban esan du. (bis)
J. Zulaika
Neu erantzuten hasiagatik
joan naiz pixka’t albora
herri txikiak asko dira ta
Ataunen bat egongo da. (bis)
I. Urdangarin
Lorontzi baten moduan daukat
jarrita aldamenean
askoz hobeto ibiltzen zinen
edaten zenuenean. (bis)
J. Zulaika
Latza bota dit berriro ere
nahi ez ta ere segi ezin
eta zu berriz helduko zinan
egundoko resakakin. (bis)
I. Urdangarin
Nahiz ta etxean ondo zebilen
bere mailatik irtenda
kamara aurrean gizarajoa
ikaratu egiten da. (bis)
J. Zulaika
Zerorri ere ez zabiltz ondo
esan beharko tarteka
Urdangarinen bertsoa eta
ez digu asmatu eta. (bis)
I. Urdangarin
Arrazoi dezu kale egin det
nik Urdangarinen hitza
ziur buruan izango nula
ederra izan balitza. (bis)
J. Zulaika
Beraz errua bitan daukazu
hortan hobe ez nahastea
bertso eskasa botatzea bat
ez oroitzea bestea. (bis)
I. Urdangarin
Telebistara etorri eta
beste hamaika komeri
ez al da hobe pasoa eman
eta atzean eseri? (bis)
J. Zulaika
Ideia txarra ez dezu eta
neuk'e dakidan heinean
hurrena igual probauko degu
Fin del mundon kastinean.