Bertsos - Voir fiche Pour savoir plus sur cette section
2007-09-07 Zarautz Sariketa [Bertsoa] / Oihana Bartra
2007-09-07 Zarautz Sariketa [Bertsoa] / Oihana Bartra
Nom de la strophe:
Hamarreko handia (hg) / Bost puntuko handia (ip)
Localisation:
XDZ - Xenpelar Dokumentazio Zentroa
Gurasoekin hainbat mobida
euki ditut mila aldiz
eurek "Hau egin" esanez gero
egiten dut alderantziz
baina azkena gehiegi izan da
ta nazkatu naute guztiz
maleta egin dut ta nire amak
oso serio egin dit hitz
"Zuk ate hori igaroz gero
ez zaitez itzuli berriz". (bis)
Esan didate "Benga alaba
razionala izan zaitez
bizi osoan egon baikara
dana ematen ta maitez".
Halan ta guztiz erabakia
aita-ama ez da hain errez
parkatu baina joan behar dut
behinepin denpora batez
nire bidea egin behar dut
zuei gustatu ala ez (bis)
"Alaba hemen geratu zaitez!"
eskatu dit belauniko
ta gero ere esan didate
"Bai, bai, zaitugu begiko".
Halan ta guztiz erabakia
mantendu behar dut tinko;
nahiz esan duten joanez gero
joan behar dudala betiko
ederto dakit euren bihotza
ez didatela itxiko. (bis)