Bertsos - Voir fiche Pour savoir plus sur cette section
2001-01-21 Mungia Jaialdia [Bertsoa] / Unai Iturriaga
| Bertsoa entzun |
2001-01-21 Mungia Jaialdia [Bertsoa] / Unai Iturriaga
Nom de la strophe:
Hamabiko ertaina (hg) / Sei puntuko ertaina (ip)
Localisation:
XDZ - Xenpelar Dokumentazio Zentroa
Bildurra ta amorrua
sortzen daben izena,
Euskal Herrian aspaldi
famatu izan zena.
Askoren poza joatea
ta gitxi batzun pena.
Orain domina hori da
herri honentzat dema.
Aznarrek hor egin deutso
gerora bere omena...
Haren heriotza izan zan
omenaldi onena! (bis)
Horri garrantzirik hemen
gaurkoz zetan ez eman?
Enaz hasiko eurekaz
alperrikako teman.
Euskaldunak ondo daki
jente modu hori zer dan.
Askok aurre egin eutsien
kartzeletako greban,
ta orain jarri gaitue
barriro ere prueban:
torturatzaileak jainko,
militanteak kartzelan. (bis)
Zeozelan irauten dau
Franco zaharraren dogmak.
Kalabozoetan ez dauz
gaur egunean bromak:
odolez zipriztinduta
makina baten hormak!
Lurreraino markurtuta
ondino be gizonak!
Zelan emongo deutseguz
horreri zorionak,
ondino asko badira
haren ikasle onak? (bis)