Bertsos - Voir fiche Pour savoir plus sur cette section
1997-01-25 Zegama Jaialdia [Bertsoa] / Aitor Mendiluze
| Bertsoa entzun |
1997-01-25 Zegama Jaialdia [Bertsoa] / Aitor Mendiluze
Nom de la strophe:
Neurri luzekoak
Localisation:
XDZ - Xenpelar Dokumentazio Zentroa
Horrek gogora gaur ekarri dit
majina bat gora-behera;
begira jarri behar derrigor
politikoan aldera.
Hondar kontuan gaur juzgatzeko
da nik daukadan aukera;
eduki duten jarrera
oso normala ote da?
GAL eta beste kontu guztiak
irten ondoren kalera,
orain ederki oroitu zaie
zer bota zuten airera! (bis)
Leheno eginak ezin gelditu
orain hitz haundi hutsean,
leheno hainbeste esfortzu joan da
errugabeen hatsean!
Hainbeste jende negarrez utzi
dute beraien etxean!
Orain pareta atzean
izkutatzeko trantzean,
baina ez dago izkutatzerik
horiek dabiltzan antzean,
hondar bezela bota zutena
harri gisa itzultzean. (bis)
Batzuk bidean galdu direla,
horixe da nere pena,
bainan gustora ikusten det gaur
haizeetan datorrena;
lehen pekatua egin zuena
iheserako herrena,
kulpa Felipek duena
ez al dago nabarmena?
Nik nahi dedana da zigortzea
ahal duten gogorrena,
eta harriak jo beza gogor
airera bota zuena. (bis)