Bertsos - Voir fiche Pour savoir plus sur cette section
2007-09-22 Legazpi Txapelketa [Bertsoa] / Mirari Martiarena, Jokin Sudupe
2007-09-22 Legazpi Txapelketa [Bertsoa] / Mirari Martiarena, Jokin Sudupe
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
J. Sodupe: Euskal Herriko jende gehienak
eiten dio honi kasu
iluntzero guk jendearekin
degu hainbat konpromisu;
eszena hontan ari gerala
ekin ta ekin jo ta su
nere mingainan mugimendua
gustatu egin al zaizu?
M. Martiarena: Bai gustatu zait ta horregatik
ez dezu egin enbarazu;
errepikatze kontu horreri
egin behar diot kasu;
horregatikan azken aukera
ondo aprobetxa zazu
hau dena hemen bukatzen da ta
txoiloa bukatu zaizu.
J. Sodupe: Eszena hontan guk biok dugu
nik ez dakit zenbat festa
ta ezin joan grabatu gabe
nik etxeraino iheska
baina zuretzat egoera hau
horren ona ere ez da:
hemendik kanpo irtendakoan
zai eongo da nere neska.
M. Martiarena: Ia hamar urtez hemen goaz ta
ixtera doa teloia
gidoia eskutan hartu nuen ta
muxua a ze marroia!
Orain egitan ari gera ta
jo beharko degu goia
jende guztiak ikusi dezan
Maria Luisan sasoia.
J. Sodupe: Bai eman zigun urtetarako
honek halako itzala;
audientzia asko izan du
ta horixe zen normala;
gustagarria izan behar zun
jendeantzat nola-hala;
azken muxu bat eman dezagun
eurek merezi bezala.
M. Martiarena: Azken honetan sentitua dut
zure begien distira
nahiz ta pentsatu hasieratik
grabatu dena bai di-da
eta bukatzen hastea ere
pixka-pixkat komeni da;
argi guztiak itzali eta
lankideak joan dira.