Bertsos - Voir fiche Pour savoir plus sur cette section
2007-09-29 Zumarraga Txapelketa [Bertsoa] / Beñat Iguaran, Iban Urdangarin
2007-09-29 Zumarraga Txapelketa [Bertsoa] / Beñat Iguaran, Iban Urdangarin
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
I. Urdangarin: Ekonomian ona zinela
zuk zenituen afanak!
Nere diruak inbertitzeko
egin genituen planak
gainekoz azpi atera zaizkit
lehengo amets dan-danak;
zure gezurrak eraman ditu
nere orain arteko lanak. (bis)
B. Iguaran: Zu niregana etorri zinen
hain larri erdi galduta;
nik esan nizun "Dirua jarri
tokian hasi ta buka";
oain niregana etorri zera
paperak eskun hartuta;
ze inporta zaizu milioi batena
dirua sobran dezu-ta?
I. Urdangarin: Esan zenidan "Ibexa doa
besteak baino gorago";
nik esan nizun "Inbertitu hor
ta besteei jo hordago!"
ta hara orain nola gabiltzan
pobreziaren esklabo;
orain badakit ez dakizula
nik baino askoz gehiago.
B. Iguaran: Ai zenbat kontu ekonomian
zenbat kontu eta Ibex!
Egia esan diru kontuan
badezu mila interes;
zure kontuan egia esan
ez zabiltz horren aldrebes:
Ibexa gora zihoala esan
hala joango zenik ez.
I. Urdangarin: Zure hitzetan konfidatzea
nere karteraren kalte;
eskua eraman burura eta
azkure egin nezake;
soluzioa ere ez daukat
problematikan aparte:
ne baserrian eingo dezu lan
guztiak bueltatu arte.
B. Iguaran: Ondo ez da hasi lagun maitea
gaur gu bion pelikula;
zure esana ez det ahaztuko
gaurtik aurrera sekula:
"Ne baserrian lana egin zazu"
esanaz egina burla
baina laguna ahaztu ein zaizu
ja baserrik ez dezula.