Bertsos - Voir fiche Pour savoir plus sur cette section
2001-05-11 Azkoitia Txapelketa [Bertsoa] / Amaia Agirre, Iñaki Zelaia
2001-05-11 Azkoitia Txapelketa [Bertsoa] / Amaia Agirre, Iñaki Zelaia
Localisation:
XDZ - Xenpelar Dokumentazio Zentroa
I. ZELAIA:
Coca Cola ta ardoa dira
barne honetan nagusi.
Zer moduz lehengo astetikan
nik zu ez zintudan ikusi ?
A. AGIRRE:
Bi elementu topatu gera:
kalimotxo ta aspirina;
gure jabea ez ote degu
elementurik haundina?
I. ZELAIA:
Batetik bestera dagolako
izugarrizko aldea.
Baina beti nahastu nahi gaitu
ume kalamidadea!
A. AGIRRE:
Gure nagusia hortxe dabil
ume ttikien antzera,
ni nahi ninduke baina burura
azkarrago igotzen zera.
I. ZELAIA:
Niretikan probatu izan du
nik ez dakit zenbat ale!
Ni nahiz gozamenan seinalea
ta zu minaren seinale.
A. AGIRRE:
Zerren seinale ote naizen ni
ez zait askorik inporta,
nik bakarrik ezin dedalako
hamabost litroren kontra.
I. ZELAIA:
Nagusia kalimotxuakin
beti ibiltzen da trebe,
niretik trago bat egin baitu
zu tragatzekoan ere.
A. AGIRRE:
Beraz ni tragatzeko zuretik
tragoa egin du aixe,
zuregan ni`re mozkortua naiz
nagusia bezelaxe.