Bertsos - Voir fiche Pour savoir plus sur cette section
1989-04-16 Sunbilla Txapelketa [Bertsoa] / Euxebio Fagoaga "Fagoaga I", Xalbador Madariaga
1989-04-16 Sunbilla Txapelketa [Bertsoa] / Euxebio Fagoaga "Fagoaga I", Xalbador Madariaga
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
E. Fagoaga:
Goiz goizetikan hala beharrez
ehizera naiz abiatu
badakit esan behar dedana
ez zaizula eingo gustatu
baina soinu bat entzun det eta
ez det batere pentsatu
nahigabe zure txakurra hil det
ta bihotzetik barkatu.
S. Madariaga:
Iztari honen akzioa da
egin duan nabaria
eta ni orain txalourikan'e
nola geldi naiz gabia
ehiztariak hartutzen bait du
holakoren nahigabia
nik nahiago nun ehiztaria hau
bera hil bazan hobia.
E. Fagoaga:
Denok dakigu ehiztari batek
gauz onik ez dakar eta
pentsatzen nuen basurdetxon bat
han ote zegon gordeta
egin dedana eginagatik
bihotza daukat beteta
ez da gehiago pasako hori
salduko det eskopeta.
S. Madariaga: 'Txakurrak behin'e ez du maiteko
holako ehiztari laguna
gaur nola galdu izandu bait du
betiko eginkizuna
ehiztaria zer'?, ez lizentzirik
eta ezer gabe juna
txakur gaixuak bizia galdu
ezer kulparik ez zuna.
E. Fagoaga:
Gertatakoan pentsatu det nik
zer gertatu den aguro
baina sasitan zegoen eta
nik ez nekien seguro
baina nola edo hala pasa det
gaur goizez hainbat apuro
lasai zaitezke ordainduko izut
txakurra bost mila duro.
S. Madariaga:
Lizentzi hori hartutzen dute
behar ez dutenak bagera
eta ehizera aizazu lagun
zertako joaten bai zera
orain txakurrarikan gabe gu
bai nola gelditu gera
holako ehiztaria xelebrea zera
gehigo ez zaite atera.