Bertsos - Voir fiche Pour savoir plus sur cette section
1992-03-08 Donazaharre Txapelketa [Bertsoa] / Ernest Alkhat, Jexus Arzallus
1992-03-08 Donazaharre Txapelketa [Bertsoa] / Ernest Alkhat, Jexus Arzallus
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
E. Alkhat:
Nik zakurretik badaukat bainan
etxen katuak nagusi
orain artean bere umekin
bere xokoan dut utzi
katua bait da berez ohoina
eni ohointza itsusi
nahiago nuen goiz huntan ere
ez banu bate ikusi.
J. Arzallus:
Ez nuen uste honek gorroto
zidanik neri hainbeste
umeak egin eta salbatzen
badut nahiko buruhauste
ni etxerako hain lagun txarra
nauzunik ez zazu uste
katurikan ez bada etxean
xaguek jango zaituzte.
E. Alkhat:
Estakuruak merke dauzka ta
beti alai aurpegia
nola sinetsi katuenganik
entzun daiteken egia
sortzetik eta izatez maltzur
buruz ez dago argia
xagu bat baino nahiago du ba
nausiaren haragia.
J. Arzallus:
Honek esan dun arrazoi hori
segidan nahi dut ukatu
bere etxean nik horren maltzur
ez dut sekula jokatu
haragi denak gordeta dauzka
ez txakur eta ez katu
honek jateitun txuleta hoiek
ez ditut inoiz probatu.
E. Alkhat:
Gezurra berriz erraiten baina
goxoa da entzuteko
gatu bat nola joka daiteken
ez da bate harritzeko
bost umekila hortxe da ama
orain neri bekoz beko
bost umekila salduko dut hau
arra baten erosteko.
J. Arzallus:
Bost ume egin eta denak hil
marka denak ditu hautsi
berriz umeak eginak ditut
ta ez ditu nahi hemen utzi
emea saldu arra ekartzerik
ez du inola merezi
emeen bila xaguk utzita
joango bait zaizu ihesi.