Bertsos - Voir fiche Pour savoir plus sur cette section
1999-11-28 Zarautz Txapelketa [Bertsoa] / Andoni Egaña, Iñigo Mantzizidor "Mantxi", Julen Zulaika
1999-11-28 Zarautz Txapelketa [Bertsoa] / Andoni Egaña, Iñigo Mantzizidor "Mantxi", Julen Zulaika
Localisation:
XDZ - Xenpelar Dokumentazio Zentroa
J. Zulaika:
Legearekin ohi da sarritan
bat besteakin konpara
bere atzian gu nola sarri
ohi gaitun berak anpara.
Legea ezin dezaket orain
nik alde batean laga
eta esan nahi nuke arteko
legeak dakarren txanda.
Denok betetzen degun garaian
legea gauza ona da.
Mantxi:
Nahiago nuke egia balitz
Julenen adibidea,
behin sortu nintzan mundura eta
hau da mundu xelebrea.
Baten batekin hitz egiten det
adostausnik ordea
ez degu lortzen ta deuseztea
da azkenik mesedea;
batzuk bakarrik betetzekotan
zertarako da legea?
A. Egaña:
Batzuk legea igotzen dute
piramidean puntara
beste zenbaitek lege berbera
bidaltzen du pikutara.
Hemen legea uler liteke
ez dakit zenbat erara,
akordiotzat hartu ezkero
ezingo det txartzat laga,
baina gaitzetsi beharra daukat
legea ordena bada.