Bertsos - Voir fiche Pour savoir plus sur cette section
1988-08-15 Uztegi Jaialdia [Bertsoa] / Manolo Arozena, Anjel Martikorena
| Bertsoa entzun |
1988-08-15 Uztegi Jaialdia [Bertsoa] / Manolo Arozena, Anjel Martikorena
Nom de la strophe:
Zortziko handia (hg) / Lau puntuko handia (ip)
Localisation:
XDZ - Xenpelar Dokumentazio Zentroa
Martirikorena
Orain honera etorri gera
kantatutzeko goguan,
hemen zerbait esan gabe gu
ez ginuke nahi juan,
gorabebera asko baditugula
orain gure inguruan,
esan nahi genduke zer gertatzen dan
gaur egun Nafarruan.
Arozena
Gaur onik ez da Nafarro alden
esatekotan egia,
Iruñetikan ia kenduan
arpegi eta begia,
helburua zan denak batera
Europara joatia,
orain sobrante omen daukagu
esnea ta haragia.
Martirikorena
Askotan hemen ibiltzen gera
dertok dakigun bezela,
ongi dakigu merkado komun
hortan sartuak gerala,
eta hemendik Europara
eramaten uzten ez dutela,
eta Frantsesak esaten dute
esne txarra daukagula.
Arozena
Probatu nahiez dabitz aspaldi
baserrikoen indarrak,
eta gu berriz gure defentsan
beti gera hain baldarrak,
egunen baten erakutsi nahi
gu geradela Nafarrak,
behiak kenduta nahi dituzte hoik
zabaltzea militarrak.
Martirikorena
Hemen zor gertatutzen zaigun
nik ezin diot igarri,
gobiernuan dauden danak
daude diru egarri,
haragi gehiegi daukagula
telebistatikan larri,
ta bitartean egiten dute
Argentinatik ekarri.
Arozena
Argentinatik ekarritzea
hori ez dugu zuzena,
hemen badago nahiko ta gehio
bai behia ta bai zezena,
nik esango det zer e(g)in behar dan
herri honetan aurrena,
behiari paken utzi ta Iruñan
Urralburuntzat eztena.
Martirikorena
Oraindik dio holakorikan
inun ez degu ikusi,
tratua nola egin behar dan
ez bait dute, ez, ikasi,
berak ezer ez dakite eta
guri nahi digute erakutsi,
hemengo ona merke salduta
txarra garesti erosi.
Arozena
Ez dit batere bihotzik pozten
gure Gobernun babesak,
egiten ditun gauzak bait dira
txolin era aldrebesak,
herritik urrun ikusten dira
ditula bere ametsak,
Gipuzkokuak baztertu eta
nahio ditu Holandesak.
Martirikorena
Botuak biltzen dabiltzenean
promes ikaragarriak,
esaten dute gizon hoiek behar
ditula Euskal Herriak,
eta guk botua ongi eman
baina berak zerriak,
horiek dira nire eritziz
gezurti miserabliak.
Arozena
Geure herria egiten dure
hiru gezurrekin saldu,
hoik diran bezain gizon faltsurik
aspaldin ez da azaldu,
erremedio hor dago eta
ez dedila inor salbu,
hoieri potrok hemen moztuta
betiko gora bialdu.