BDB Bertsolaritzaren datu-basea

Information genérale

Kategoria

Bat-batekoa

Représentación

1992-08-21 Zizurkil Jaialdia

Gai-emailea

Telleria, Millan

Bertsolaris / Auteurs

Egaña, Andoni

Lizaso, Sebastian

Murua, Iñaki

Exercice

Hirunaka gaia-emanda

Sujet proposé

Harreman gehiegi ez badezue ere, ezagutzen duzue elkar eta hirurok balneario batean topo egin duzue. Bakoitza bere gelara joan danean pentsamenduan han zaudete: "Koño! Ze ote zebilen hura?" Zer pentsatzen zeundeten lagunetaz.

Description

Nom de la strophe

Zortziko txikia (hg) / Lau puntuko txikia (ip)

Localisation

Localisation

XDZ - Xenpelar Dokumentazio Zentroa

Collection / Fond / Projet

Bapatean Bilduma

1992-08-21 Zizurkil Jaialdia [Bertsoa] / Andoni Egaña, Sebastian Lizaso, Iñaki Murua

Nom de la strophe:  Zortziko txikia (hg) / Lau puntuko txikia (ip) 
Localisation:  XDZ - Xenpelar Dokumentazio Zentroa 

---

S.Lizaso:
Bertsotan da parrandan
herritik herrira,
nahiz gibela hondatu
ezin erretira,
gero sendatu asmoz
holako tokira,
haiek sano egonda
etorri al dira? (BIS)
Egaña:
Pentsatu beharko det
geldo eta sakon,
gure Lizaso hemen
zergatikan dagon,
zilbor zulotik ere
ke pila zerion,
Montekristo erreaz
"hecho Cristo" zegon. (BIS)
Murua:
Egaña ze ote dabil
nago harrituta?
Hemendik kanpo lagun
dexente ditu-ta,
Susana eta Ana
dauzka okupatuta,
seguro etorri dala
Amaia hartuta. (BIS
S.Lizaso:
Bainu etxe honentzat
badute sosikan,
nik ez nuen espero
holako gauzikan,
alperrik dabiltz nahiz-ta
egin ez hitzikan,
urak ez du sendatzen
berezko gaitzikan. (BIS)
Egaña:
Muruak ere ez du
batere lotsikan,
hau bizi da andreak
maitatutzetikan,
hau ez da horren errez
erten etxetikan,
senarren bat dabilki
bere atzetikan. (BIS)
Murua:
Lizaso zertan dagon
ezin naiz erori,
ez dute flakatuko
nahiz-ta dagon lori,
hortaz hauxe pentsatzen
hasi naiz neroni,
azkazalak beratzen
egongo da hori... (BIS)
S.Lizaso:
Etxean hasarre ta
hasarre kanpuan,
nolabait gorde behar
bat horrelakuan,
ta hauek sartzez gero
behar dan lekuan,
sartu behar lirake
sikiatrikuan. (BIS)
Egaña:
Lehen ez naiz konturatu
ni naiz ni txepela,
bertsoen txapelketa
laister datorrela,
ta badakit Lizaso
kontzentratu dela,
ia mejoratzen dan
Reala bezela. (BIS)
Murua:
Bada ur hotz ta bero
dena da aukeran,
baina banoa hemendik
nahiz egon primeran,
ura sartzen da atetik
uholdeen eran,
seguro sartu dala
Lizaso baineran. (BIS)