Bertsos - Voir fiche Pour savoir plus sur cette section
2009-11-21 Gernika-Lumo Txapelketa [Bertsoa] / Beñat Gaztelumendi, Jon Martin
| Bertsoa entzun |
2009-11-21 Gernika-Lumo Txapelketa [Bertsoa] / Beñat Gaztelumendi, Jon Martin
Nom de la strophe:
Lauko handia (hg) / Bi puntuko handia (ip)
Localisation:
XDZ - Xenpelar Dokumentazio Zentroa
B. Gaztelumendi
Irakasleak eskuin ta ezker
egiten digu hain trebe...
Nik ja ez dakit hemen ze hanka
mugitu behar den ere! (bis)
J. Martin
Egia da bai mugitzeko're
badago adar aukera
egin ezazu nik bezelaxe:
mugitu denak batera. (bis)
B. Gaztelumendi
Denak batera mugitzen hasi
nahiko nuke hemen baina
mareatzeko modukoa da
zure izerdi usaina. (bis)
J. Martin
Baina ez dakit izerdia den
edo horko irudia
mareatzeko modukoa da
aurrekoan ipurdia. (bis)
B. Gaztelumendi
Egia da bai elkartu gera
hemen hainbeste euskaldun
aurrekoana pakean utzi
gurea jetsi dezagun! (bis)
J. Martin
Mugitzen gera batzutan azkar
ea besteetan astiro
tanga ipurdian sartzen zait baina
mugitzen naizen aldiro. (bis)
B. Gaztelumendi
Tanga ez degu hain arraroa
nik beste bat det galdera:
bakeroekin nola zatoz zu
aerobic-eko klasera? (bis)
J. Martin
Lo egiteko nik bakeroak
ere ez ditut erazten maiz.
Oraindik ere ez zera ohartu?
Ligatzera etorri naiz. (bis)
B. Gaztelumendi
Klaseko neska denei begira
beti bezela zabiltz zu
eta buruko ileak ere
tente ipini zaizkizu. (bis)
J. Martin
Nahiago nuke gaurko honetan
lotsaz aitortzen dut tira
tentetu diren ile bakarra
gandorrekoak balira!
B. Gaztelumendi
Egia esan aerobic-ak
ez dit ematen pakea
hobe genuen Jaurlaritzako
jatetxera joatea! (bis)
J. Martin
Egia esan gaurko sesio
honekin nekatu gara.
Komunak dira mistoak eta
goazen korrika dutxara! (bis)