Bertsos - Voir fiche Pour savoir plus sur cette section
2009-12-13 Barakaldo Txapelketa 16:30 [Bertsoa] / Amets Arzallus
| Bertsoa entzun |
2009-12-13 Barakaldo Txapelketa 16:30 [Bertsoa] / Amets Arzallus
Nom de la strophe:
Hamalaukoa, handiaren moldekoa, 9 puntuz (hg) / Bederatzi puntukoa, handiaren moldekoa (ip)
Localisation:
XDZ - Xenpelar Dokumentazio Zentroa
Sortzean ginen bost anai
inork ez zuen joan nahi
neri esan zidaten ai
"Hik balio dek hi joan hai!".
Afrikan ezin genuen bizi
eta Europa amesgai.
Hara bi urte Euskal Herrian
aukera hobe baten zai
baina ez dakit zer den azala
zer den begi zer den usai...
Autobus hontan gogoratzen naiz
pateran gentozen nornahi
ai zeinen estu gentozen eta
hemen tamalez zein lasai! (bis)
Ni Mohamed naiz izenez
ta Iñaki ezizenez
neure motxila gizenez
disko saltzaile naizenez
autobus hontan nator goizero
neure gogo neure senez
baten bat neure ondoan ea
jartzen den itxaropenez
baina hemengoak azalez eta
hitzez zuriak direnez
bi urteotan ez dator inor
ta hemen nago neure penez:
autobus baten barruan goaz
baina bide berean ez. (bis)
Ta bakardade sakona
hik ez, ez nauk abandona
Koranari jaramona
ta irakurtzen dut Mahoma
hark esaten dit "Segi aurrera
hi baihaiz pertsona ona".
Baina badoaz bi ejekutibo
ta neskatxa baten gona
zigarroa errez bizar ta guzti
aurrera doa gizona
baina hara hor zahar bat badator
ta gerturatu da hona.
Lehenengoa zu zera eta
eskerrik asko amona! (bis)