Bertsos - Voir fiche Pour savoir plus sur cette section
2009-03-14 Donostia Sariketa [Bertsoa] / Ibai Esoain, Iñigo Izagirre
Bertsoa entzun |
2009-03-14 Donostia Sariketa [Bertsoa] / Ibai Esoain, Iñigo Izagirre
Nom de la strophe:
Zortziko txikia (hg) / Lau puntuko txikia (ip)
Localisation:
XDZ - Xenpelar Dokumentazio Zentroa
I.Izagirre:
Telefonoz deituta
bazterrak aztora
bi alditan galdu det
zurekin denbora
ta gaur hemen tabernan
mozkortzen gustora
irteerak kobratzen
hasi beharko da! (bis)
I.Esoain:
Tabernariai esan
"Ekarri alkohola!"
ia berdin-berdin zait
jadanik kontrola.
Ez dakit nola nagon
hilda edo hola
behintzat iruditzen zait
zeruan nagola. (bis)
I.Izagirre:
Ez dauka ez errexa
mutilak hiltzea!
Errosarioakin
pasa nun trantzea.
Ze ari zara esaten
zeru talechea?
Zure amak lurrean
dauka gurutzea! (bis)
I.Esoain:
Asko kosta al zaizu
bitan etortzia?
Gaixo dagoen batek
adarra jotzia!
Kriantzak ere badu
bere garrantzia:
hau det ezpainentzako
azken igurtzia. (bis)
I.Izagirre:
Kriantza izeneko
horrenbeste ardo!
Ni zurekin nahikoa
nazkatua nago.
Bi alditan joan naiz
ez zait kosta, ondo!
Zu mezetan ez zinen
bi aldiz izango? (bis)
I.Esoain:
Ez naiz bi aldiz joan
noski mezetara
baina bihar gauean
joango naiz jada.
Tabernari kobratu
ezaidazu hara!
Kanbioak eta ni
bagoaz kajara. (bis)