Bertsos - Voir fiche Pour savoir plus sur cette section
2004-01-24 Donostia Jaialdia [Bertsoa] / Anjel Mari Peñagarikano
| Bertsoa entzun |
2004-01-24 Donostia Jaialdia [Bertsoa] / Anjel Mari Peñagarikano
Nom de la strophe:
Hamarreko txikia (hg) / Bost puntuko txikia (ip)
Localisation:
XDZ - Xenpelar Dokumentazio Zentroa
Pentsamenduak dauzkat
nere barrenean
orain hiru hilabete
une txarrenean...
matematika ez dela
diot azkenean;
nik konprenditu nuen
halako unean
gure anai zaharrena
galdu genunean.
Beti hitz egiten nion
anaiari hika.
Minbiziak hondatu
bere bi birika:
geroztik egunetan
gaitza hor segika...
Gazte utzi gintuen
gaztetxo apika.
Bizitza problema da
ez matematika.
Matematikak behar
dira ofizinan
baina emaitza txarrak
gero medizinan
gaitzari aurre eginez
indarrez ta grinan...
Hemen negok geroztik
ulertu ezinan
berroita hamar urtekin
nola joan zinan.
Berdin zaio goizean
berdin iluntzean
beti egongo baita
gure bihotzean
negar egiten degu
hartaz oroitzean;
amak oroitzen hau hi
bere otoitzean
eta nik oroitzen haut
bertso bakoitzean.