Bertsos - Voir fiche Pour savoir plus sur cette section
2006-03-26 Mendexa Jaialdia [Bertsoa] / Sustrai Colina, Anjel Mari Peñagarikano
| Bertsoa entzun |
2006-03-26 Mendexa Jaialdia [Bertsoa] / Sustrai Colina, Anjel Mari Peñagarikano
Nom de la strophe:
Hamarreko txikia (hg) / Bost puntuko txikia (ip)
Localisation:
XDZ - Xenpelar Dokumentazio Zentroa
A.M. Peñagarikano: Ez zabiltzala ondo
nago ohartuta;
ez al zera sentitzen
pixkat aspertuta?
Zu jota ote zauden
nago bildurtuta;
goazen kalerik kale
tragoak hartuta...
Zer egiten dezu ba
lokalan sartuta? (bis)
S. Colina: Lokalean sartzea
noiztik da delitu?
Nere ustetan badu
nahikoa meritu;
bertan sofan eseri
ta lasai gelditu...
Kalerantza tragota
zertako abitu?
Hantxe tragoak zeinek
ordainduko ditu? (bis)
A.M. Peñagarikano: Holako egoerarik
ezin leike jazo;
animatu zaitez zu
ta burua jaso
trago batzuk hartzea
ona baita oso.
Aizu ikusten zaitut
ta mesedez ixo
askatasuna eskatzen
eta beti preso. (bis)
S. Colina: Nola hartuko ditut
tabernan bi trago?
Nola ibiliko naiz
pikaro-pikaro?
Nola astakeritan
kaleak igaro?
Alper-alperrik nabil
kondenauta nago:
gehitxo hitz egiten dun
atso asko dago. (bis)
A.M. Peñagarikano: Nola ibiltzen geran
zuk hartu gogoan
ta arren lokalera
zu ez zaitez joan!
Hobeto ibiltzen da
lagunen beroan
batzuek ekarri ta
besteak eroan;
holaxe egoten da
kirkila zuloan. (bis)
S. Colina: Ta kirkilak ez badu
zulotik irten nahi
zuk atera arazten
ez al daukazu jai?
Beti zabiltz tabernan
beti zabiltz porai;
a ze alkohol kiratsa
ze zigarro usai...
Zu ez zara aldatu
baina garaiak bai. (bis)
A.M. Peñagarikano: Gauza asko galdu dezu
galdu adorea
eta ia galdu dezu
zeure ohorea.
Nola egon daiteke
zuloan gordea?
Aurpegia ez daukazu
nik baino hobea;
horregatik daukazu
kaiku kolorea. (bis)
S. Colina: Astean zein jaietan
zuk beti parranda
ta etxera bueltatu
ohi zara edanda
zeneukan sos apurra
tragotan emanda.
Ez egin lagunarte
baten propaganda
berroita bi urtekin
ezkondu zinan da! (bis)