Bertsos - Voir fiche Pour savoir plus sur cette section
2006-12-08 Errenteria Sariketa [Bertsoa] / Uxue Alberdi
| Bertsoa entzun |
2006-12-08 Errenteria Sariketa [Bertsoa] / Uxue Alberdi
Nom de la strophe:
Hamaseiko berdina, 8 puntuz eta 8 silabaz (hg) / Zortzi puntuko berdina, 16 silabaz (ip)
Localisation:
XDZ - Xenpelar Dokumentazio Zentroa
Saharan hain da haundia
gosetearen itzala
nire osasuna nuen
ahula eta makala;
baina sendi bat topatu
hain sendi eskuzabala;
ni egoki ta ondo zaintzen
egin dute eginahala;
nire amatxok sentitu nau
semea banintz bezala
ta orain badakit nik behintzat
bi amatxo dauzkadala. (bis)
Egia esan famili hau
neri iritsi zait barrura
eskuzabaltasun horrek
sortua baitit lilura;
beraintzat ematea
bihurtu baita ohitura;
baina agur esateko
garaia ere heldu da.
Beraz agur familia
ni banoa desertura
malkoek lurrari ona
iten dioten lekura. (bis)
Banoa ta nago berriz
lurra ikusteko aiduru.
Euskal Herrian pasa dut
hilabete bat inguru;
guztia eman didate
eskuz esku buruz buru...
Nik ta nire familiak
beti eskertuko dugu.
Halere gustora noa
han ondo nago seguru;
hemen ez dauden beste hainbat
gauza on ere baditugu. (bis)