BDB Bertsolaritzaren datu-basea

Zegamako plazan egin dugu Iker Zubeldia Katarainekin zita (Zegama, Gipuzkoa, 1981). Handik zuzenean herriko elkartera egin dugu jauzi, eta hitz-aspertu ederra egiteko aukera izan dugu, bere bertso ibilbidearen eta bizitzaren errepaso zabala osatuz. Bertsozale Elkartearen datu basean horrelako zerbait jartzen du Iker Zubeldiari buruz: "...bertsolari fresko eta umore bizikoa...". Baina, esaldi horrek definitzen al du, bere soiltasunean, Iker Zubeldia? Ondorengo lerroetan bildu dugun testigantza irakurrita, hori baino askoz gehiago dela ondoriozta dezakegu inolako zalantza izpirik gabe: egungo gizarte ero honetan, desagertzeko arriskuan dagoen mundu ikuskera baten zaindari leiala.