Bertsoak - Fitxa ikusi Atal honi buruz gehiago jakiteko
2014-11-22 Etxebarria Txapelketa [Bertsoa] / Eneko Abasolo "Abarkas", Fredi Paia
2014-11-22 Etxebarria Txapelketa [Bertsoa] / Eneko Abasolo "Abarkas", Fredi Paia
Neurria:
Zortziko txikia (hg) / Lau puntuko txikia (ip)
Kokapena:
XDZ - Xenpelar Dokumentazio Zentroa
F. Paia:
Ai, aitaginarreba
etorri gizona.
Estutu egin zarela
niezazuke soma.
Perurena ekarri
behar al dizut hona?
Botoiari emanda
bakarrik funtziona. (bis)
E. Abasolo:
Izetzea lortzen dut
baina ozta-ozta.
Ez dakit makina hau
non duzuen topa.
Adi-adi jartzen naiz
tonuak igota
ta beti bukatzen dut
petrilaren kontra. (bis)
F. Paia:
Lexikoa azaldu
behar dizut neurrira
ezkerra ta eskuma
uler zazu di-da
ta errotonda badio
jar zaite begira
errepide erdiko
bola hoiek dira. (bis)
E. Abasolo:
Baina hasten denean
makina hizketan
ni galdu egiten naiz
hirugarren bueltan.
Laguntzen al zabiltzan
ez dakit benetan.
Apuntatu ote
behar al dut AEK-n? (bis)
F. Paia:
Ba ez da ideia txarra
zu apuntatzea.
Gogaikarria traste
hori hizketan jartzea.
Amatiñon boza da
parkatu aipatzea
eta oso normala
da hasarratzea. (bis)
E. Abasolo:
Haserretutako bez
amorrua gora
honekin ezin baita
iritsi Bilbora.
Itzali egin behar dut
ta jakin gerora
instintuari jarraika
segi beharko da. (bis)
Datu-base honetan eskainitako informazioari buruz jakiteko, kontsultatu lege oharra