BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bizkaiko Bertsolari Txapelketa (15. 2014)

Saioa

2014-11-30 Urduliz Txapelketa

Bertsolariak / Egileak

Galletebeitia, Xabat

Ugartetxea, Beñat

Lana

Binaka gaia-emanda

Jarritako gaia

Zuek biok elkarrekin ligatu duzue. Apurka apurka berotu eta azkenean Urdulizeko atari batean sartu zarete. Xabat, zarata bat entzuten den bakoitzean, Beñat gelditu egiten da. Hiruna bertso, zortziko txikian, Xabat hasita.

Deskribapena

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2014-11-30 Urduliz Txapelketa [Bertsoa] / Xabat Galletebeitia, Beñat Ugartetxea

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

X. Galletebeitia:
Gure artean dago
giroa epela
ta laster izango da
benetan itzela.
Nabari da zuretzat
lehen aldia dela
eta igartzen zaizu
“Urduliz” zaudela. (bis)

B. Ugartetxea:
Ba bai, lehen aldia
da hau neretzako
baldosa hotzegia da
gaur narrutarako
zarata bat entzunda
beste horrek alto
zeu kapaza bazara
zeuk egizu salto. (bis)

X. Galletebeitia:
Zerbait entzun ta geldi
geratzen da seko
urduritasun puntu
normala tarteko.
Zu egon lasai ze ni
prest nago emoteko
eta hirugarren bat
badator hobeto. (bis)

B. Ugartetxea:
Parkatu nik al daukat
semental itxura?
Behin lortuko dudan be
nik badaukat duda.
Eman nahi dut guztia
behar den modura.
Ene bada Jainkoa
jada bukatu da. (bis)

X. Galletebeitia:
Harritu egin zara
bigarren zatian
azkar bukatu dela
ez modu egokian.
Baina errepikatzeko
prest gaude agian
ondo moldatzen bainaiz
zortziko txikian. (bis)

B. Ugartetxea:
Bueno lortu egin dut
behingoz azkenean
ta jarraitzeko ere
zaude afanean.
Lehenengoa gutxitxo
zutzat aidanean
baian orain zeu jarri
baldosa gainean. (bis)