Bertsoak - Fitxa ikusi Atal honi buruz gehiago jakiteko
2014-12-07 Zornotza Txapelketa [Bertsoa] / Jone Uria Albizuri, Imanol Uria
| Bertsoa entzun |
2014-12-07 Zornotza Txapelketa [Bertsoa] / Jone Uria Albizuri, Imanol Uria
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Uria:
Orain artean ez dute izan
gaztetasun oparoa
baina enpresa honetan eman
nahi zieten abaroa.
Ta nigan dudan sentipena dut
konpartitzeko gogoa
ez ote dugun beraiek baino
ilusio handiagoa. (bis)
I. Uria:
Lanean hasi ziren biak ta
guretzat zen hain arraro.
Lehen eguna iritsi da ta
ni nahiko urduri nago.
Ez dakit gogo gehiago duten
baina daukat oso klaro
ni nagoela nire semea
baino askoz urduriago.(bis)
J. Uria:
Beraz urduri sentitzen zara
arduratuta, zer gerta
ta hori dela ta eman al dizu
bihotzak kolpera buelta?
Zu lasai euren arduradunek
ona dute prestaketa.
Gizona zaude lasai semeak
esku onetan daude ta. (bis)
I. Uria:
Baina oraindik dira hain ume
oraindik dira hain gazte!
Etxean ere eman dituzte
sarri nahiko buruhauste.
Arduradurak onak direla
nik hain ziur ez dut uste.
Gure semeen arduradunak
ezagutu nahi nituzke. (bis)
J. Uria:
Taberna hontan hartu dugu gaur
zuk eta biok ostatu
gure ideiak ta gure kezkak
nahi genituen freskatu.
Ezagutu nahi dituzula ta
zu ez hainbeste kezkatu
ta hurrengoan kafean ordez
mantzanila bat eskatu. (bis)
I. Uria:
Bai, kafe honek nauka urduri
jarri dit malaletxea
eta hemendik segi ezkero
izan daiteke trantzea.
Beraiek lana dutenez gero
poztu behar da etxea.
Orain bakarrik falta da guk be
noizbait lana aurkitzea. (bis)
Datu-base honetan eskainitako informazioari buruz jakiteko, kontsultatu lege oharra