Bertsoak - Fitxa ikusi Atal honi buruz gehiago jakiteko
2017-09-23 Baigorri Txapelketa [Bertsoa] / Mikel Artola, Aimar Karrika
| Bertsoa entzun |
2017-09-23 Baigorri Txapelketa [Bertsoa] / Mikel Artola, Aimar Karrika
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
M. Artola:
Zer gertatuko zen atzemana
zegon bera aspalditik
etorkizunik ez omen dago
eta ingenieritzatik
beti etxean bueltaka dabil
nahiz esplikatu zergatik
diru nahikorik ez dauka eta
gogoa ere ez dakit. (bis)
A. Karrika:
Gogoa nik ba sumatzen diot
eta nabil egiazki
Mac Donald’s baten ibili zen lehen
egun, arrats ta arrasti
supermerkatu batean gero
Championean zehazki
diru guztiak batuta ere
oraindik ez luke aski. (bis)
M. Artola:
Nahikoa duen edo ez duen
ez da hain gauza normala
nahiz gurasotan nik hartu dudan
orain hain papel zitala
gerora ere igual gertatu
behar zaio Aimar hala
guk emana’re gastatzen baitu
asko baleuka bezala. (bis)
A. Karrika:
Ene kartera zabaltzen badu
gure alabak indarrik
pila bat maite dudala nola
ez dagon erran beharrik
gure etxean bueltan badabil
horrek ez du ezer txarrik
bestela guk zer egingo dugu
etxean biak bakarrik? (bis)
M. Artola:
Zuk badakizu hau gertatzea
normal da bihar nahiz etzi
ze ingo degu ba biok bakarrik?
Maitasun betean etsi
asteburua ta asteguna
ia ezin ditu bereizi
nik ez dakit zer gertatu zaion
guk ez gendun hola hezi. (bis)
A. Karrika:
Gauean berant oheratuta
berantegi da jaikia
bere izaera bere kabuz du
gure alabak eraikia
hogeita hamar ai urte jadanik
ta etxean atxikia
baina neretzat beti izango da
gure etxeko txikia. (bis)
Datu-base honetan eskainitako informazioari buruz jakiteko, kontsultatu lege oharra