BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-10-01 Leitza Txapelketa

Gai-jartzailea

Gai-jartzaile Taldea

Gai-emailea

Ansa Zugarramurdi, Maider

Bertsolariak / Egileak

Laburu, Agin

Soto, Julio

Lana

Binaka gaia-emanda

Jarritako gaia

Erizainak zarete. Julio, gaur Aginek zuri atera behar zizun odola. Zortzi aldiz ziztatu zaitu, baina ez du lortzen zainak aurkitzea.

Deskribapena

Doinua

Azienda bat dago

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-10-01 Leitza Txapelketa [Bertsoa] / Agin Laburu, Julio Soto

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

J. Soto:
Zizta ta zizta zabiltz
orain bat orain bi
ta ni disimuluan
ondoan kantari.
Punta ez harrapatzeko
zuk nire zainari
ez bota kulpik nire
argaltasunari.

A. Laburu:
Zuk ere badakizu
nahiz tripak irakin
ez bazaude konforme
daukadan erakin
nola egin leiken ba
nahiko nuke jakin
besuak baino orratz
lodiyaguakin.

J. Soto:
Odola gorri daukat
kolorea urdin
besoak baino orratz
lodiagoekin.
Nik uste arrakastaz
ahal dela ekin
baina egin behar duzu
maitasunarekin.

A. Laburu:
Eskerrak esan dezun
jakin dedan garaiz
bestela hola segi
behar genuen maiz.
Maitasunaz orduan
ez jarri fiakaitz
ba ekarri eskubia
eta hasiko naiz.

J. Soto:
Jada odolbildu bat
ari zait eratzen
propio ari al zara
zainak minberatzen?
Pixka’t amorratuta
banaiz ni geratzen
utziko al didazu
zuri ateratzen?

A. Laburu:
Ez, ez dizut emango
holako aukera
zer egin nahi didazun
hartu det tankera.
Zuk behar dezuna da
betea platera
hemendik odolkirik
ezin da atera.