Bertsoak - Fitxa ikusi Atal honi buruz gehiago jakiteko
2017-10-28 Bastida (A) Txapelketa [Bertsoa] / Igor Elortza
| Bertsoa entzun |
2017-10-28 Bastida (A) Txapelketa [Bertsoa] / Igor Elortza
Neurria:
Hamalauko handia (hg) / Zazpi puntuko handia (ip)
Kokapena:
XDZ - Xenpelar Dokumentazio Zentroa
Egunkarian ikusi nuen
gure nausi aberatsa
humanismoaz, elkartasunaz
bere diskurtso zehatza
egia baina ez da argazki
hura zen bezain aratza
azkenerako nire aukera
ailegatuko da antza!
Garai batean lantegi hori
nuen bizitza ardatza.
Orain kalean egonagatik
berriz banoa harantza
hotz zerbitzean izaten ei da
eta onena bengantza.(bis)
Nik zintzo-zintzo bete nituen
han jasotako ordenak
nik eraginak ez ziren izan
krisiak eta problemak
baina kalera bota ninduten
hor nire egun txarrenak.
Badakit orain hantxe bilduko
direla horiek denak
kamara aurrean erakutsiaz
euren irririk onenak
baina sorpresa bat izango du
ehungarren urteurrenak
lotsagorritu egin behar ditut
kaleratu nindutenak! (bis)
Langabeziak bat ipintzen du
ia urkatzeko sokan
nirea lako zenbat famili
utzi dituzten kolokan!
Ta ez genuen ezertxo lortu
nahiz eta egin borrokan.
Egun honekin amets egin dut
lotan zein esna askotan.
Azkenerako nago ametsa
egia bihurtzekotan.
Ze aurpegiak izango diren
gaurko ospakizun hortan!
Mikroa hartu ta hau guztia
kontatuko dut bertsotan.(bis)
Datu-base honetan eskainitako informazioari buruz jakiteko, kontsultatu lege oharra