BDB Bertsolaritzaren datu-basea

Informazio orokorra

Kategoria

Bat-batekoa

Aldizkako Ekitaldia (Saioarena)

Bertsolari Txapelketa Nagusia (17. 2017)

Saioa

2017-12-17 Barakaldo Txapelketa 11:00

Gai-jartzailea

Gai-jartzaile Taldea

Gai-emailea

Berriozabal, Maite

Bertsolariak / Egileak

Colina, Sustrai

Mendiluze, Aitor

Lana

Binaka gaia-emanda

Jarritako gaia

Zu, Sustrai, arkeologoa zara. Lanean ari zaren indusketa-gunean topatutako
giza hezurrak daramatzazu autoan. Laborategira bidean zoazela, Aitor poliziak
geratu zaitu.

Deskribapena

Doinua

Kantatzera nijoa

Neurria / Estrofaren izena

Zortziko txikia (hg) / Lau puntuko txikia (ip)

Bertso kopurua

6

Kokapena

Kokapena

XDZ - Xenpelar Dokumentazio Zentroa

Bilduma / Funtsa / Proiektua

Txapelketetako Bilduma

2017-12-17 Barakaldo Txapelketa 11:00 [Bertsoa] / Sustrai Colina, Aitor Mendiluze

Neurria:  Zortziko txikia (hg) / Lau puntuko txikia (ip) 
Kokapena:  XDZ - Xenpelar Dokumentazio Zentroa 

---

S. Colina:
Mugan berriz kontrola
kauenla kauenla!
Nik hezurrak atzean
nola ba bestela?
Ikusiz nere planta
txuri ta zimela
pentsatu ote duzu
nereak zirela? (bis)

A. Mendiluze:
Aizu polizia naiz
ta errespetoa?
Maleta izan ohi da
beti atzekoa
bat soinekoa eta
bat aldatzekoa
baina beti txaketa
ez eskeletoa. (bis)

S. Colina:
Nik eman nahi nituen
mugako jauziak
baina guardia zibilen
eskutan jausiak
nik garraiatzen ditut
hezur biluziak
hori badaki zer den
zure nagusiak. (bis)

A. Mendiluze:
Aizu ni ez nahastu
kolpetik lehenean
ta zentratu gaitezen
orain gaudenean.
Hezurdura bat dezu
kotxe barrenean
hitz egiten al zuen
irten zarenean? (bis)

S. Colina:
Indusketak egiten
tematu naiz aurten
hezurrek ez baitute
hain gutxi irauten.
Asko esaten dute
asko di-da baten
zuei buruz ez dute
deus onik esaten. (bis)

A. Mendiluze:
Neri ez zait ba inporta
ez onik ez txarrik
atxilotuta zatoz
eta ez alperrik
eskuburdinak dauzkat
pare bat bakarrik
zure lagunak ez du
ipini beharrik. (bis)