Bertsoak - Fitxa ikusi Atal honi buruz gehiago jakiteko
1993-03-14 Heleta Txapelketa [Bertsoa] / Jexus Arzallus, Jean Pierre Mendiburu
1993-03-14 Heleta Txapelketa [Bertsoa] / Jexus Arzallus, Jean Pierre Mendiburu
Neurria:
Zortziko handia (hg) / Lau puntuko handia (ip)
Kokapena:
XDZ - Xenpelar Dokumentazio Zentroa
J. Arzallus:
Aspalditikan nola nintzen ni
etxe polit baten gose
ez zazu pentsa nere etxea
egina denik hain aixe
trena dela ta berri txar hori
ekarria daut oraintxe
etxe honen ordainez gutxinez
behar ditut nik bi etxe.
J.P. Mendiburu:
Zure etxean jakin dutanaz
egina duzu estrena
etxe horretan pasatu duzu
gaur zure egun lehena
ta horren leku beretik naski
pasatuko zaiku trena
eta zuk lehen aldia egun
izanen duzu azkena
J. Arzallus:
Ustekabean hau etorri zait
trenbidearen lur galdezka
ongi hasiko nintzen ni hemen
aurrez nuen nahiko kezka
nere etxea xutik utzi ta
beste lekurikan ez da
ia zoritxar bihurtua dit
nere estrenaren besta.
J.P. Mendiburu:
Zure estrena bestak bazaukan
besta bat gaur ez hain txarra
zure etxean estrena hori
egun ospatu beharra
bainan lekuan pasatu behar
zerauku gaur tren zaharra
eta airatu beharko zauzu
zinuen amets bakarra
J. Arzallus:
Nere amets hau suntxi beharra
ez da ez gero jolasa
barrean nuen lore bakarra
bihurtua zait arantza
hemen nahi nuen nere bizia
atseden eta arrasa
seguru beraren lur gainetik
ez dela trenikan pasa.
J.P. Mendiburu:
Beraren lurren gainetik ez du
neork trenarik ikusi
baina zuretik pasako da bai
ez zaitela gaur ilusi
nahiz elgarri erraiten tugun
zonbait apaldi itxusi
jakin beauzu oraino ere
dirua dela nagusi.
Datu-base honetan eskainitako informazioari buruz jakiteko, kontsultatu lege oharra