Unai Elizasu

Biografiak - Fitxa ikusi Atal honi buruz gehiago jakiteko

Datu pertsonalak

Izena: Elizasu, Unai
Izen abizen osoak: Elizasu Lertxundi, Unai
Jaiotza: 1980 Altza + Altza < Donostia < Donostialdea < Gipuzkoa < Euskal Herria

Bertsolaritzan

Jarduera mota nagusia

Gai-jartzailea

Jarduerak

Aurkezlea

Bertso-eskola sortzailea

Bertso irakaslea

Eragilea

Herri-bertsolaria

Bertso-kazetaria

Jarduerei buruzko azalpenak

Bertso-eskolako irakasle: Altza (Gazteluene bertso-eskola) (1999-2000) (Altzako lagun batzuekin). Herri ametsa ikastolan irakasle (ikasturte bat: 2000-2001).
Gai-jartzaile: herri festetan hasi zen eta orain Euskal herrian barna dabil.
Herri-bertsolari: ongi-etorri eta omenaldietan, lagun afarietan, ikastolan...
Kazetaria: Donostiako "Irutxulo" aldizkaria (Txapelketa Nagusia 2001erako)
Leitzako bertso-eskolako irakaslea

Datu biografikoak

Biografia: Bere herriko Santa Isabel egunez, Jon Azpillaga eta Joxe Lizasori jarri zizkion gaiak lehenengoz Altzako udaletxeko balkoitik 1999an. 2 urte beranduago, Andoni Egañak egindako galdera bati baiezkoa eman eta, geroztik, Euskal Herrian zehar gai-jartzaile gisara dabil plazaz plaza.

Bere bertso ibileran, plazako jardunaz gain, gauza berriak egin eta aportatzeaz gain, emanaldi bereziak sortu eta emanaldi hauetako partaide izan da Unai. "Barkatu" izan zen bere lehen emanaldi berezien esperientzia Sustrai Kolina eta Amets Arzallusekin. Erregea eta Bufoia kide da, Bertso & Jazz emanaldia sortu zuen 2008ko Donostiako Jazzaldirako; eta bere azken lana, "errimak oinetan, dantza berriak bertsoei jarriak" dantza emanaldia sortzea eta zuzentzea izan da. Unaiek, gai-jartzaile lanak bertso saio eta txapelketa ezberdinetan egin du. Hirugarren txapelketa nagusia du aurtengoa Unaiek. www.gaijartzailea.com web gunea sortu eta kudeatzen du.

Egun, "Puntutan.com" bertsoa eta hitza oinarri duen erropa dendaren sortzaile eta arduradunetako bat da. Bestetik, arrauna, aisia ikuspegitik sortutako Arrauning.com enpresaren sortzailea eta Donostiako Mundaiz ikastolako arraun irakaslea da Elizasu.

Ekoizpen aldetik, zenbait ideien sortzaile eta/edo kide izan da: Barkatu, Sustrai Colina eta Amets Arzallusekin; Bertso-Txanpa, Orio Kilometroak; Erregea ta Bufoia, Ander Lipusekin batera; Bertso Jazz, sortzailea; Errimak oinetan; Errimak bi oinetan;...

Bertsolaritzan lehen pausuak

Lehen plaza: Gai-jartzaile gisa: Donostian, 1997an, Barandiaran ikastolan. Bertsolariak: Ibai Esoain, Xabier Sukia eta Sustrai Kolina. Lehen saio ofiziala: Leitzan, 2001-08-14an,Amaia Agirre, Amets Arzallus, Andoni Egaña Eta Igor Elorza bertsolari zirela.
Bertsolari gisa: Donostian, 1998an, Barandiaran ikastolan, Ixiar Eizagirre eta Amets Arzallus kantulagun zituela.