Atera Herriarteko Txapelketa (2. 2014)

Taldeak:

>> URRETXU1:
Asier Sasieta, Amaia Iturriotz eta Antton Fernandez.

>> URRETXU2:
Gorka Ojanguren, Beñat Torres, Maialen Akizu

>> ATAUN-LEGAZPI:
Ane Beloki, Paul Iruretagoiena, Mikel Tapia

>> BEASAIN-ORDIZIA:
Ainhoa Mujika, Gema Urteaga eta Iraitz Sarasola

>> GABIRIA1:
Oier Oiarbide, Aratz Igartzabal eta Aitzol Iturbe

>> GABIRIA2:
Mikel Asurabarrena, Gorka Maiz eta Jokin Murua

>> ORMAIZTEGI:
Manex Mantxola, Iñaki Rezusta eta Beñat Hachen Barek

Descripción

Oinarriak: Goierriko eta Urretxu-Zumarragako bertso eskolek, elkarlanean, II. Atera herri arteko bertso txapelketa antolatu dute, 2007an jokatutako I. Atera txapelketari jarraipena emanez. Urriaren 10ean, Zegaman, hasiko dira kanporaketak jokatzen, eta finala, Zaldibian jokatuko da, azaroaren 14an.

Goierri behea eta Goierri garaia hartzen dituen lehenengo lehiaketa izango da II. Atera txapelketa. Hamaika taldek eta 33 bertsolarik hartuko dute parte: Urretxu-Zumarraga (3 talde), Gabiria (2 talde), Ataun- Legazpi, Segura, Zegama, Ormaiztegi, Zaldibia-Legorreta eta Beasain-Ordizia.

Lehenengo fasea tabernetan jokatuko da, poteo garaian, 23:00ak aldean; bigarren fasea, elkarteetan, afariaren bueltan; eta finala, antzokian, entzuleak zutik direla. Txapelketako fase bakoitzean ariketa desberdinak egingo dituzte bertsolariek.

>> Bertso mugimendua sortu
II. Atera txapelketaren helburua «mugimendua» sortzea da, «zentzu desberdinetan». Alde batetik, «konturatzen ginen Goierri behean gazte asko dabiltzala bertso munduan era batera edo bestera sartuta, baina tristea bada ere, ez gara elkartzen», dio Ainhoa Mujikak, Atera txapelketaren antolatzaileetako batek. «Adibidez, bertsolari batzuk beste eskualde batzuetara joaten dira entre- natzera», gaineratu du.

Goierri garaiko eta beheko bertsolarien eta bertsozaleen arteko elkar ezagutza eta harremana ere sortu eta sendotu nahi dute antolatzaileek.

>> Gazteengana iritsi
Era berean, bertsolari eta bertsozale gazteengana iritsi nahi dute: «Bertso eskolan umeen talde asko ditugu; umeengana iristen gara. Herrietan bertso saioak ere antolatzen dira, baina tartean gazteen multzoa geratzen da. Horiengana iritsi nahi dugu», dio Mujikak. Bertso eskoletan dabiltzan gazteei jendaurrera ateratzeko eta plaza gehiago emateko aukera emateko tresna ere izan nahi du Atera lehiaketak.

Ildo horretan, lehenengo Atera jaialditik bigarrenera zazpi urteko tartea egon bada ere, aurrera begira jarraipena eman nahi diote.
Goierriko bertsolarien eta bertsozaleen artean saretzetik, «elkar ezagutu, elkartzen hasi eta gauza berriak antolatzen» hasi nahi dute antolatzaileek.

-- Herriak. Urretxu-Zumarraga (3 talde), Gabiria (2 talde), Zegama, Segura, Ataun-Legazpi, Ormaiztegi, Zaldibia-Legorreta eta Beasain-Ordizia.
-- Bertsolariak. 15 urtetik gorako 33 bertsolari, 3nako taldetan banatuta.
-- Lehenengo fasea. Lau saio. Urriak 10, Zegaman. Urriak 17, Ataunen . Urriak 18, Ormaiztegin. Urriak 24, Ordizian. Tabernetan.
-- Bigarren fasea. Azaroak 1, Seguran. Azaroak 7-8, Urretxun. Elkarteetan.
-- Finala. Azaroak 14, Zaldibiako herri antzokian.
-- Epaimahaia. Herri bakoitzetik bana eta 2-3 epaimahaikide neutro. Berdinketaren kasuan, epaimahaikide neutralek erabakiko dute, elkarrizketa bidez.

Iturria: Goierriko Hitza, 2014-09-17