Actuaciones Periódicas - Ver ficha Más información sobre esta sección
Koplagintzaren erabilera didaktikoa Haur Hezkuntzan (1. 2015. Leioa)
Información
- Tipo de actuación
- Ikastaroa
- Lugar
- Leioa
- Lanak aurkezteko/Izena emateko epea
- 2015-05-31
- Extensión
- Euskal Herri mailakoa
- Sitio web
- http://www.hikhasi.eus/topaketak/51/557
Participantes
- Organizadores
Euskal Herriko Unibertsitatea (EHU) Hik Hasi, Euskal Heziketarako Elkartea
Descripción
- Oinarriak
- Irakaslea: Txetxu PARDO. UPV/EHUko hizkuntza eta literaturaren didaktika saila Bilboko Irakasle Eskolan.
Uztailak 6, 7 eta 8. Leioan, EHUko Irakasle Eskolan.
9:00-14:00
Alde batetik, errutinak erabiltzen dira gure eguneroko jardueretan Haur Hezkuntzako bigarren zikloan: “gaur nor da makinista?”, “zein egun da gaur?”, “nolako eguraldia daukagu?”, “zenbat neska-mutil daude gaur gelan?”, “nor dago gaixorik?”; edo, atsedenaldira joateko unea heldu denean, “ilaran jarrita: goazen patiora!”; edo, bazkaltzera joan aurretik, “eskuak garbitu behar dira”; edo, “etxera joateko unea heldu da”. Eguneroko ekintza guztietarako guk sortutako koplak izango ditugu langai. Horrez gain, gure ikasle baten urtebetetze eguna denean, betiko “zorionak zuri” delakoa baino zerbait jatorragoa, berezia prestatu ahal dugu. Oparirik politena guk sortutako kanta bat, zergatik ez?
Beste aldetik, ipuinak erabiltzen ditugu gure geletan; ipuinak kontatu, irakurri edo antzezten ditugu, baina ia inoiz ez dugu kantatzen. Horregatik, ipuinetan kantu bidezko sekuentzializazio didaktikoa landuko dugu, ipuinei etekin handiagoa ateratzeko asmoz. Euskarari lagungarri gertatuko zaio, metodologia honen bidez haurrak esan behar dutena esateko gai izango direlako, gauzak esaten modu desberdinean trebatuko baititugu;?kantuz, hain zuzen ere. Horretarako, irakasleak ez gara zertan bertsolariak izan, baina Haur Hezkuntzarako koplak prestatuko ditugu aldez aurretik eta gelara goazenean abestu egingo dugu, geure gelako haurrekin konplizitatea bilatuz eta euren hizkuntza gaitasuna landuz.
Norentzat
Gai honetan interesatuta dagoen edonorentzat, eta, bereziki, Haur Hezkuntzako bigarren zikloaren 4 eta 5 urteko haurren geletan lanean dabiltzan tutoreentzat edo irakasleentzat, baita Irakasle Eskoletako ikasleentzat ere.
Edukiak
Edukia
- Ahozkotasuna
- Bertsolaritza/ bertsogintza eta Koplaritza/koplagintza edukien desberdintasuna.
- Hizkuntza gaitasuna
- Aurrekariak
Metodologia
Haur Hezkuntzako bigarren ziklorako, 4 eta 5 urteko umeen geletan lantzeko kantu bidezko metodologia, eguneroko errutinetan eta ipuinen sekuentzializazio didaktikoetan bereziki txertaturik. Izan ere, Euskal Herrian gaur egun ezaguna den doinutegiaz baliatuko gara.