Bertsolari Gazteen BBK Sariketa (32. 2024)

Oinarriak: Ezaugarri orokorrak:

32. urtea du bertsolari gazteei zuzendutako sariketak, eta edizioz ediozio behar berriei erantzuteko aldaketak izaten ditu sariketak.
•Bertsolari Gazteen BBK Sariketea taldean jokatzen den sariketa da, hau da, bertsolariek taldean hartzen dute parte. Bi multzotan banatuko dira taldeak:
-Gaztetxoak (A): 18 urtera arteko gazteak
-Nagusiak (B): 25 urtera artekoak

•Taldeen osaketa. Edizio honetako berrikuntza taldeen osaketan dago. Iaztik eskualdeak oinarria bai, baina ez dira taldea osatzeko irizpide nagusia izan. Horrez gain:
-A mailakoek, orain arte moduan, hirukoteak osatuko dituzte
-B mailakoetan aldaketa egongo da, ordea, eta bikoteka hartuko dute sariketan parte.

•Eliminazio sistemako txapelketa da:
-A multzoan sei taldek hartuko dute parte. Egitura: hiru kanporaketa, bi finalaurreko eta finala izango dituzte
-B multzoan sei taldek hartuko dute parte. Egitura: bi finalaurreko eta finala jokatuko dituzte.

•Saio bakoitzean puntu gehien batzen dituen taldeak egingo du fase bakoitzean aurrera, eta horrela, multzo bakoitzeko talde bi helduko dira finalera. A multzoko lehenengo fasean, puntuazioz sailkatuko da laugarren taldea hurrengo fasera.

Sariketaren helburuak:

Hainbat helburu ditu Bertsolari Gazteen BBK Sariketeak. Helbururik esanguratsuena bertsolari gazteen plazaratzean laguntzea da. Plazaratze honetan lagungarria da taldearen babesa.
Sariketak, zelan ez, bestelako helburu batzuk ere baditu: besteak beste, sei bertso saio antolatuta euskalgintzari eta kulturgintzari ekarpena egitea.
Publikoari dagokionez, kanporaketetako ikusleak ikastetxeetan bertsolaritza lantzen ari diren gaztetxeak izango dira, eta finalaurrekoetako publikoa, euskara ikasleak izango dira, batez ere. Lehenengo hiru saioak goizez jokatuko dira, eta gainontzeko hirurak (finalaurrekoak eta finala) arratsaldez.