Bertsos - Ver ficha Más información sobre esta sección
Intimidadea [Bertsoa] / Iñigo Kortazar
Intimidadea [Bertsoa] / Iñigo Kortazar
Nombre de la estrofa:
Hamarreko handia (hg) / Bost puntuko handia (ip)
Dokumentu-mota:
Hemeroteka (Aldizkari eta Egunkariak)
Argitalpenaren izenburua:
Uk [Aldizkaria] Argitalpen data:
2012-06-18
Localización:
XDZ - Xenpelar Dokumentazio Zentroa
Banku ertzean ageri jaku
gazte bikote edarra.
Egun batean bisita(t)u eben
Galea itsaslabarra.
Eskolak albo batera lagaz
instintoaren indarra.
Gorputz barneko ahots horreri
jaramon egin beharra.
Egun horretan pasatu eben
laguntasunaren marra.
Jolas-ordua amaitu eta
eskolatik erretira.
Euren jolasak izango eban
banku horretan segida.
Nahiz (e)ta lanbroa itsasertzetik
zebilen jira (e)ta bira,
eurak gustura ibili ziran
argazkian nabari da,
lehen muxua eman baitzuten
itsasoari begira.
Euren gogoa, euren beharra
paraje hartan asetu.
Jolas horretan, azkar (e)ta artez
gazteak ziran zaletu.
Horretarako egon badago
hainbat eta hainbat leku.
Intimidade horreri izan
makina bat errespetu.
Gehiago gura badozu jakin,
protagonistei galdetu!