Bertsos - Ver ficha Más información sobre esta sección
2013-11-23 Elizondo Txapelketa [Bertsoa] / Iñigo Mantzizidor "Mantxi", Julio Soto
| Bertsoa entzun |
2013-11-23 Elizondo Txapelketa [Bertsoa] / Iñigo Mantzizidor "Mantxi", Julio Soto
Nombre de la estrofa:
Hamarreko handia (hg) / Bost puntuko handia (ip)
Localización:
XDZ - Xenpelar Dokumentazio Zentroa
I. Manzizidor:
Gure Oihanak nahi du
dantzaz plazaratu
eta garai txarrena
ez du aukeratu
nahiz herriko askontzat
hori den pekatu
“Mutil-dantza” izena
dula ezin ukatu
baina izenak ezin du
pertsona mugatu. (bis)
J. Soto:
Egia borobila
esan didazuna
kulturaren parte da
dantza euskalduna.
Ar, eme berdintzeko
nahiz baden eguna
ordea ez zazula
ahaztu kuttuna
bera izango dela
sufrituko duna. (bis)
I. Mantzizidor:
Ama beti dago prest
umeak hezteko
ta erakutsi nion
goiari eusteko.
Gogoa zeukan “Mutil
dantza” ikasteko
ta animatu nunez
plazara irteteko
prest nago berarekin
neroni hasteko. (bis)
J. Soto:
Ahoz gizarte bat da
izatez askea
ordea aldaketa
oraindik gaztea.
Mugi gaitezen mugi
ta ze nahastea!
“Mutil-dantzan” alaba
senar, emaztea
ze iruditzen zaizu
hirurok hastea? (bis)
I. Mantzizidor:
Ba martxan jar gaitezen
daukazun planean
alabari lagunduz
bere afanean
“Mutil-dantza” galduko
baita azkenean
ta esango dute bai
etorkizunean
“Libratu ginan neskak
hasi ziranean.” (bis)
J. Soto:
Berdindu gizon andre
señor zein señora
denak berdinak gara
ta hala gustora.
Dantza da hanka behera
eta hanka gora
berdintasuna heldu
dakigun gerora
mundua hankaz gora
jarri beharko da. (bis)