Bertsos - Ver ficha Más información sobre esta sección
Oroitz bat Antoine d'Abbadie-ren obian [Bertsoa] / Franzisko Lopez Alen
Oroitz bat Antoine d'Abbadie-ren obian [Bertsoa] / Franzisko Lopez Alen
Dokumentu-mota:
Liburua
Argitalpenaren izenburua:
[Liburua]
Localización:
XDZ - Xenpelar Dokumentazio Zentroa
I
Ain ongi dakit nere laguntza
Ez nazula ukatuko....
Ain ongi dakit ez dizutala
Zure loa galaziko...
Ain ongi dakit zaudela pozez
Gaur etorri naizelako,
Ez aditua ni naizenikan
Uste ortan nagolako,
Baizik zugana etorri dana
Euskaldun utsa dalako!
II
Emen nago ta emen egotez
Ez det izango damurik,
Nere burua makurturikan
Biotza gora jasorik!
Zure ondoan ipiniko naiz
Eta otoitzak barrendik
Euskaraz ariko naiz mintzatzen
Zure obien ganetik,
Euskal-Errien maitetasunak
Igo ditezen baturik!
III
Guraso gabe aur zurtzak ala
Nola gelditutzen diran,
Zu gabetanik gure izkuntza
Gelditu da gisa ortan!
Naiz ez bazinan ain jakintsua
Ta gizon ernea izan,
Euskal-fedeak zeukan indarra
Beti zure biotzean
Zure oroitzak argituko du
Euskaldunaren artean!
IV
Bainan, zer nago!... Ni zer ari naz
Bakarrikan egon arren!...
Nere izateak senti duena
Zapuztuko det barrenen?
Ez! baldin bada nere aboa
Ezana emen isiltzen,
Nere biotza da ari dana
Eta dubena sentitzen....
Nork eta nola galeraziko
Antsiari, ez, irtetzen!...
V
Bai!... Abbadie! Zuregatikan
Nola oroituko ez gera!
Euskal-errian zure izena
Sekulan galduko ez da!
Ta Euskal-Festak gure lurrean
Diranean gaur bezela,
Gaur bezela ni etorriko naiz
Nola diran esatera,
Zure obien gainean bidez
Malko bat isuritzera!! ...
Urkizu, Patri. "Anton Abbadiaren Koplarien guduak (1851-1897) : Bertso Bilduma". Donostia: Eusko Ikaskuntza, 1997, 418 or. https://core.ac.uk/download/pdf/11499283.pdf