BDB Bertsolaritzaren datu-basea

Información general

Kategoria

Bat-batekoa

Actuación

2006-12-30 Durango Jaialdia

Gai-emailea

Iturriaga, Unai

Bertsolaris / Autores

Maia, Jon

Peñagarikano, Anjel Mari

Ejercicio

Binaka gaia-emanda

Tema propuesto

Abiadura handiko trena denon ahotan dabilen gaia da. Bi anaia mutilzahar zarete. Trena zuen baserritik pasatuko da. Anjel Mari urduri dago etxean pasako dituen azken Gabonak ote diren pentsatzen.

Descripción

Melodia

Zeru altuan zegoen Jaunak

Nombre de la estrofa

Zortziko handia (hg) / Lau puntuko handia (ip)

Localización

Localización

XDZ - Xenpelar Dokumentazio Zentroa

Colección / Fondo / Proyecto

Bapatean Bilduma

2006-12-30 Durango Jaialdia [Bertsoa] / Jon Maia, Anjel Mari Peñagarikano

Nombre de la estrofa:  Zortziko handia (hg) / Lau puntuko handia (ip) 
Localización:  XDZ - Xenpelar Dokumentazio Zentroa 

---

A.M. Peñagarikano: Urduri nago oso urduri
eta lasaitzea gura.
Azkenik ere tren zikin hori
heldu jaku ingurura:
bat baino gehio aberastu asmoz
tren zikin baten kontura?
Ez zait gustatzen mundu txar honek
daraman abiadura.

J. Maia: Egia da bai zu kezkatuta
zaudela ederki dakit;
gauetan ere salto txikitan
erortzen zera ohetik
baina ez zaite horrela jarri
ez zoratu horrengatik;
ez dezagula trena ekarri
hemendik pasa aurretik!

A.M. Peñagarikano: Lehen baserrian zenbat belardi
zenbat zuhaitz eta lora?
Nik lasai asko esaten nuen
"Txakurra pasa txokora!"
ta orain berriz tren hori dator
ta hau datorkit gogora:
beti presaka ta beti azkar
eta ez goaz inora.

J. Maia: Trena ez degu guk geuk ekarri
beste batzuek dakarte
mila negozio milaka milioi
ta kontu hoiek bitarte;
baina gurekin ere anaia
lan pixka bat badaukate:
gure txokotik ez gera irtengo
aurrean eduki arte!

A.M. Peñagarikano: Baserri baten guk badauzkagu
ganadu aina abere;
eta hara non bihurtu gera
txulo batzuen titere!
Indarra dunak gure ingurua
orain egin nahi du bere;
baserritarrok ez dugu agintzen
gure lurrarekin ere.

J. Maia: Gu baserritar gizarajoak
haientzat tonto alenak
politikaren hitz haundietan
enteratzen ez garenak.
Gaur radioak kontatu ditu
Madrileko bonbarenak*
eta bonbaren kean artean
ekartzen dituzte trenak.

A.M. Peñagarikano: Guk bizipoza gaur baino askoz
gehiago genun aintzinan.
Trena nun egin erabakitzen
Madrileko ofizinan;
Eskabadorak eta posteak
orain edozein iskinan?
Atxurrarekin genbiltzan arte
lasaiago bizi ginan!

J. Maia: Ni ados nago zure kezkakin
ai Anjel Mari maitea!
Gure txikian egingo degu
baserrian gerratea;
trenak ta hainbeste etxe industrial
lurra horrela jatea
ta gero nahiko dute ganaua
larrekoa izatea.