Bertsos - Ver ficha Más información sobre esta sección
2005-05-07 Aizarnazabal Jaialdia [Bertsoa] / Aitor Mendiluze
| Bertsoa entzun |
2005-05-07 Aizarnazabal Jaialdia [Bertsoa] / Aitor Mendiluze
Nombre de la estrofa:
Hamabikoa, handiaren moldekoa, 7 puntuz (hg) / Zazpi puntukoa, handiaren moldekoa (ip)
Localización:
XDZ - Xenpelar Dokumentazio Zentroa
Hasi nintzala urteak dira
beti denei serbitzeko.
Zenbat neke ta zenbat izerdi
ahal zirenei laguntzeko!
Zenbat istripu, zenbat hildako
ta zenbat egon trantzeko!
Gaizki haiek ekartzeko
denak zetozen antzeko.
Karrera eta praktikak egin
titulo hori lortzeko
baina ez dago estudiorik
hontarako prestatzeko. (bis)
Argi naranjek ez dutelako
beti guztia argitzen
saiatu arren beti ez gera
guk nahi bezela aritzen.
Hasitakoan esan zidaten
lehenengo gauza hori zen:
jendea ikusi sufritzen
tarteka besotan hiltzen.
Eta unea iristerako
prestatzen aritu nintzen.
Orain zeozer egin behar det
baina ez naiz atrebitzen. (bis)
Kamioi bat irten bere bidetik
ta andrea parez pare;
elkar jo eta burni guztiak
pila bat eginda daude.
Une honetan nor egiten da
bere pultsuaren jabe?
Andrea hor dago grabe
ta ni ez banengo hobe!
Segundu gutxi pentsatzeko ta
egin beharrean gaude;
gertatzen dena gerta dedila
baina ez saiatu gabe! (bis)