Bertsos - Ver ficha Más información sobre esta sección
2007-08-24 Ibarra Jaialdia [Bertsoa] / Andoni Egaña
2007-08-24 Ibarra Jaialdia [Bertsoa] / Andoni Egaña
Nombre de la estrofa:
Zortziko handia (hg) / Lau puntuko handia (ip)
Localización:
XDZ - Xenpelar Dokumentazio Zentroa
Nik gaztelu bat osatua nun
lau paje ta erregina;
hiru-lau torre, almenak berriz
almenak ahal adina.
Etorri eta puskatu dezu
aizu olatu zikina!
Ez zen haundia ez zen ederra
baina neronek egina.
Olatu batek dena hautsi dit
olatu gaizto bortitza;
toldotaraino joan eta aita
"Umeak zertan dabiltza?
Ez egin negar! Tori zapi bat;
zintza, hemen egin zintza;
lan egin eta ezertako ez
holakoa da bizitza".
Baina aitari erantzun diot
"Gaztelua hautsi dit ai!"
Aitak erantzun "Haur ez al zera
hori entenditzeko gai?
Bizitza degu holakoxea
egon zaite haunditu zai".
Erantzun diot erdi negarrez
"Ez det haundia izan nahi".