Bertsos - Ver ficha   Más información sobre esta sección

2007-08-03 Usurbil [Bertsoa] / Jexux Mari Irazu Muñoa, Maialen Lujanbio

Información general

Kategoria
Bat-batekoa
Actuación
2007-08-03 Usurbil
Gai-emailea
Tolosa, Gorka
Bertsolaris / Autores
Irazu Muñoa, Jexux Mari
Lujanbio, Maialen
Ejercicio
Binaka gaia-emanda
Tema propuesto
Aitona-bilobak izango zarete, Irazu aitona eta Maialen biloba. Maialen motoz joan da parrandara, eta goizean eguna argitzerako etorri zara etxera. Aitona leihoan zenuen zain, aurpegi zurbil eta kezkatuarekin.

Descripción

Melodia
Haizeak bidali du
Nombre de la estrofa
Zortziko txikia (hg) / Lau puntuko txikia (ip)

Localización

Localización
XDZ - Xenpelar Dokumentazio Zentroa
Colección / Fondo / Proyecto
Bapatean Bilduma

2007-08-03 Usurbil [Bertsoa] / Jexux Mari Irazu Muñoa, Maialen Lujanbio

Nombre de la estrofa:  Zortziko txikia (hg) / Lau puntuko txikia (ip) 
Localización:  XDZ - Xenpelar Dokumentazio Zentroa 


J.M. Irazu: Aspaldi egin nintzan
bilobaren jabe
hemezortzi urte egin
etxetikan alde.
Ai zenbat bihotzeko
bilobak debalde!
Aizu belaxe zera
aitonikan gabe!

M. Lujanbio: Leiho hortan jarrita
zaude egokia
nahiz eta ondo beltza
dezun bekokia.
Loriak ezin hartua
lehendik zendun ia
orain egiten dezu
nere aitzakia.

J.M. Irazu: Orain egiten dedan
arrazoi iaiua...
Etxetik kanporako
zinan zu jaiua;
nik berriz errezatzen
nolako saiua!
Hamar aldiz pasa det
errosariua.

M. Lujanbio: Baina ez zaite pasa
aizu, aizu, aizu!
Zeini egin diozu
hoinbeste errezu?
Kalera juateko
onak ni eta zu
edo hesia jarri
bihar al diazu?

J.M. Irazu: Biloba ez nijua
hesia jartzera
ez det nahi ordu bitan
iritsi etxera.
Nahi nuke familia
aurrea ateratzera;
gaur ere bakarrikan
ailegatu zera.

M. Lujanbio: Aitonak bota duna
galdera polita
edo erdi galdera
pentsatzen jarrita.
Bakarrik iritsi naiz
bakarrik det zita
baina ez orain arte
hola ibilita.

J.M. Irazu: Pixkana ateratzen
hasi zera hara!
Gehiago kontatzeko
har'zazu patxada:
hola ibiliez nunbait
ondo pasa gaba
nungo aulki jokotan7
ibili zera ba?

M. Lujanbio: Elkarri aitu gera
bultza eta bultza
aulkia betetzea
hoi zan nere funtsa:
moto aulki-luze hontan
behar det laguntza
lehen bero-bero zegon
orain dago hutsa.

J.M. Irazu: Oain hutsa egon arren
neri ez zait inporta
zuk probetxuzko gaua
pasa dezu hor-ta;
berriz ere parranda
aizu lasai bota
bestela ere ez det
lorik egingo-ta!

M. Lujanbio: Badakit bai buruan
dezu nahiko laino
lorik ondo ez dezu
egiten gaurdaino.
Ze interrogatoiua
egin diana ño!
Aitona okerrago
polizia baino.